Były pretendent na pasadu prezidenta Biełarusi Ivan Kulikoŭ zatrymany pa padazreńni va ŭčynieńni złačynstva pa artykule 210 Kryminalnaha kodeksa «Kradziež šlacham złoŭžyvańnia słužbovymi paŭnamoctvami»,
paviedamili ŭ HUUS Minharvykankama.
Ciapier u dačynieńni da zatrymanaha pravodzicca pravierka. Abvinavačańnie jamu pakul nie pradjaŭlałasia.
Nahadajem, Ivan Kulikoŭ byŭ zatrymany 17 studzienia na 72 hadziny paśla dopytu va UUS Zavodskaha rajona Minska.
Kulikoŭ žyvie ŭ pasiołku Sosny, źjaŭlajecca zahadčykam łabaratoryi abstalavańnia jadziernych enierhietyčnych ustanovak Abjadnanaha instytuta enierhietyčnych i jadziernych daśledavańniaŭ «Sosny». Udaviec, maje dvuch synoŭ i dačku.
Ivan Kulikoŭ vyłučaŭsia pretendentam na pasadu prezidenta na vybarach 2010 hoda, adnak u kancy kastryčnika admoviŭsia ad dalejšaha ŭdziełu ŭ vybarčaj kampanii, nie sabraŭšy nieabchodnaj kolkaści podpisaŭ vybarščykaŭ.
