Baćka aryštavanahaeks-kandydata na pasadu prezidenta Mikałaja Statkieviča Viktar Paŭłavič Statkievič atrymaŭ ad syna paštoŭku. 19 studzienia Viktaru Statkieviču spoŭnicca 85 hadoŭ. Syn pavinšavaŭ jaho z dniom narodzinaŭ.
Viktar Statkievič skazaŭ: «Viedajecie, ja zapłakaŭ. Ja tak chvalujusia za jaho. Mikoła pavinšavaŭ mianie i prosić prabačeńnia, što jon nie sa mnoj… Staršamu synu ja skazaŭ, kab nie pryjazdžaŭ siudy ŭ Biełaruś, bo jašče i jaho aryštujuć. Ja ž hladzieŭ hety film BT.
Viedaju, pra jakoha Sašu tam była razmova. Heta viadomy adzin pravakatar. Jon žyvie va Ŭkrainie.
A kali staršy syn pajedzie, to jany zrobiać niejkuju novuju pravakacyju. Čaho možna čakać ad uładaŭ?
Ja ŭ časy vajny šmat čaho pieražyŭ… Mianie navat na rasstreł vadzili, a baćka moj zakryŭ mianie svajoj śpinoj… Ale tady ŭžo našy tanki byli pad Słuckam. Zaraz, ja dumaju, fašysty tak nie ździekavalisia ź ludziej jak hetyja…
Ja viedaju, što syn trymaje haładoŭku. Viedaju, što jaho mohuć tolki hvałtoŭna niejak karmić, kab nie pamior, bo sam jon nie spynicca. Tamu vielmi niepakojusia za jaho. Atrymlivaju ciapier šmat listoŭ i paštovak ad samych roznych ludziej. Navat nie čakaŭ takoj padtrymki. Daj, Boh, kab usio było dobra».
