Rodnyja staršyni Abjadnanaj hramadzianskaj partyi atrymali list, adpraŭleny ź śledčaha izalataru KDB 16 studzienia, paviedamlaje sajt ucpb.org.
«Usie OK. Žyvy i zdarovy! — piša rodnym Anatol Labiedźka. — Maju spadziavańni, što ŭ vas taksama ŭsio narmalna. Chacia, naturalna, chaciełasia b pra heta daznacca niepasredna ad vas.
Navin u mianie niašmat. Usie dni, jak kserakopija. Plus, minus…»
Syn palityka Arciom havoryć, što list ad baćki ŭ siamji sustreli z aptymizmam:
«Jašče ź minułaha hodu jaho nia bačyŭ advakat… Adnak ciapier my dakładna viedajem, što haładoŭku jon spyniŭ, i surjoznych prablem z zdaroŭjem niama. Prasiŭ pieradać sšytak i ručku.
Značyć, jaho nie złamali, nastroj bajavy. Napisaŭ, što vielmi budzie čakać viestak z domu».
Anatol Labiedźka byŭ aryštavany ŭ noč na 20 śniežnia i źmieščany ŭ SIZA KDB. Lideru AHP vystaŭlena abvinavačańnie pa artykule 293 (častkach 1 i 2) Kryminalnaha kodeksu Biełarusi.
Abvinavačanymi za nibyta arhanizacyju masavych nieparadkaŭ padčas akcyi pratestu 19 śniežnia prachodzić 31 čałaviek, u tym liku piać byłych kandydataŭ u prezydenty. Jašče bolš za dva dziasiatki ludziej, siarod jakich
Napiaredadni źjaviłasia infarmacyja, što svajaki atrymali pieršyja listy ad źniavolenych u KDB Andreja Sańnikava i Natalli Radzinaj. Siońnia pieršy list ad Uładzimiera Niaklajeva pryjšoŭ jahonaj žoncy Volzie.