17 ctudzienia žonka palitźniavolenaha, byłoha kandydata ŭ prezydenty, paeta Ŭładzimiera Niaklajeva Volha atrymała pieršy list ad muža.
List datavany 12 studzienia. Listy, jakija spadar Niaklajeŭ pisaŭ raniej, da Volhi tak i nie dajšli. Choć advakatka, jakaja sustrakałasia sa svaim padabaronnym jašče 29 śniežnia, kazała, što listy jon pisaŭ i adasłaŭ jašče da Novaha hodu 7 listoŭ.
Akramia niejkich asabistych momantaŭ, jak raspaviała Volha, jon prosić kipiacilnik i manikiurnyja nažnički, jakija jana ŭžo pieradavała mužu dva tydni tamu. Jaje naściarožyła i fraza:
«Mnie paabiacali, što voźmuć pieradaču i ad ciabie».
Z hetaha Volha robić vysnovu, što nia ŭsie pieradačy dachodziać. Da taho ž Niaklajeŭ prosić, kab Volha pieradała jamu sała i suchafrukty. A hetyja pradukty z 31 śniežnia zabaroniena pieradavać u SIZA KDB. Atrymlivajecca, što viaźniaŭ pra novaŭviadzieńni nie prainfarmavali. Volha pažartavała: maŭlaŭ, padumaje, što jana škaduje…
List na adnoj staroncy z ahulnaha sšytku. Napisany, u adroźnieńnie ad vieršaŭ, vielmi razborliva i staranna.