Zabraŭ vino pad pahrozaj pistaleta 1

U Alochnavičach (Maładziečanščyna) ŭ viaskovuju kramu 11 studzienia kala pałovy 10-j ranicy zajšoŭ mužčyna, dastaŭ pistalet i, pahražajučy im, zabraŭ z saboj litrovy kardonny pakiet vina.

Pradaviec zajaviła ŭ milicyju tolki ŭ 14 hadzin 40 chvilin. Na miesca vyjechała śledča-apieratyŭnaja hrupa. Pa prykmietach na čyhunačnym vakzale stancyi Alochnavičy ŭ 15.20 apieratyŭniki zatrymali 32-hadovaha žychara hetaj vioski, jaki nidzie nie pracuje i raniej byŭ sudzimy za kradziažy.

Mužčynu pa padazreńni ŭ ździajśnieńni złačynstva źmiaścili ŭ izalatar časovaha ŭtrymańnia. Znajšli ŭ jaho i pistalet. Zbroja akazałasia pnieŭmatyčnaj. Kryminalnaja sprava zaviedziena pa artykule «Razboj».

0

0

0

0

0

0

Rehijanalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH