Polšča padrychtavała vizavyja sankcyi adnosna prezydenta Biełarusi Alaksandra Łukašenki i niekalkich socień pradstaŭnikoŭ jahonaha režymu.
Jak nieaficyjna paviedamlajuć dyplamatyčnyja krynicy ŭ Polščy, u MZS hetaj krainy hatovy śpis proźviščaŭ asob, adkaznych za represii, što pačalisia paśla vybaraŭ 19 śniežnia: prakuroraŭ, sudździaŭ, čynoŭnikaŭ, supracoŭnikaŭ specyjalnych słužbaŭ.
Viadoma, što ŭ hetym śpisie niekalki socień proźviščaŭ, uklučna z A. Łukašenkam. Adnak pakul MZS Polščy nie publikuje całkam hety śpis i nie padaje dakładnaha liku asob, jakija patrapiać pad sankcyi. Adnak viadoma, što pad sankcyi nie patrapić ministar zamiežnych spraŭ Biełarusi Siarhiej Martynaŭ, kab nie abmiažoŭvać mahčymaściaŭ dyjalohu.
Analahičnyja sankcyi ad imia ŭsiaho Eŭraźviazu čakajucca 31 studzienia.
0
0
0
0
0
0
