Takim čynam, na biaspłatnyja nacyjanalnyja polskija vizy mohuć raźličvać hramadzianie Biełarusi, jakija płanujuć znachodzicca na terytoryi susiedniaj dziaržavy bolš za 90 dzion na praciahu paŭhoda i zdolnyja heta dakumientalna paćvierdzić. U hetuju katehoryju traplajuć biełarusy, jakija
vučacca ŭ polskich navučalnych ustanovach, vyjazdžajuć z metaj pracaŭładkavańnia abo majuć tak zvanuju «Kartu palaka».
— Pakolki turystyčnyja pajezdki składajuć, jak praviła, mienš 90 dzion, u hetym vypadku budzie,
jak i raniej, vydavacca adnarazovaja šenhienskaja viza koštam 60 jeŭra,
— rastłumačyŭ konsuł-daradca, pieršy sakratar ambasady Polščy ŭ Biełarusi Pavieł Marčuk. Jon padkreśliŭ, što na dadzieny momant tolki ŭ minskim konsulstvie Respubliki Polšča majuć akredytacyju 82 turystyčnyja firmy. Nahadajem, što raniej Polskaja turystyčnaja pałata prapanoŭvała ŭvieści sistemu elektronnych vaŭčaraŭ, zaklikanych paskoryć terminy razhladu vydačy šenhienskich viz. Adkazvajučy na pytańnie z nahody hetaj prapanovy, konsuł-daradca nahadaŭ, što termin razhladu zajavy ab vydačy vizy składaje da 15 dzion i
ni pry jakich umovach nie moža być skaročany.
Takim čynam, dla bolšaści biełarusaŭ novaŭviadzieńni Polskaha MZS nie majuć nijakaha praktyčnaha značeńnia.
Darečy, sam konsuł-daradca taksama zaŭvažyŭ, što admiena płaty za polskija nacyjanalnyja vizy nijak nie paŭpłyvała na kolkaść padadzienych zvarotaŭ. Hetaje ŭviadzieńnie možna acanić chutčej jak palityčny krok.
