Mižviedamasnaja kamisija pa praviadzieńni konkursaŭ na vyznačeńnie jurydyčnych asob, jakija zabiaśpiečvajuć realizacyju vyklučnaha prava dziaržavy na ažyćciaŭleńnie impartu presnavodnaj ryby, praduktaŭ pierapracoŭki ryby i morapraduktaŭ, vyznačyła pieralik śpiecimparcioraŭ.
Pra heta BiełaPAN paviedamili ŭ Ministerstvie handlu.
U pieralik uvajšło 25 jurasob roznaj formy ŭłasnaści.
Siarod ich — KUP «Homielski rybakompleks», AAT «Hrodnaryba», AAT «Bresckaja abłasnaja baza «Bakaleja», DP «Mahiloŭski rybakompleks», TAA «Jeŭrahandal», AAT «Minskbakalejahandal», PUP «Biełkaaphandal», DP «Minskrybpram», DP «Biełryba», SP «Santa Bremar» TAA, UP «Minski choładakambinat № 1», STAA «Arvitfud» (Minsk) i inš.
Nahadajem, u krasaviku 2010 hoda ŭkazam prezidenta byli ŭniesieny źmianieńni i dapaŭnieńni ŭ praviły rehulavańnia rybnaha rynku. Tak, funkcyja pieradadziena ad Kiraŭnictva spraŭ prezidenta Ministerstvu sielskaj haspadarki i charčavańnia. Pakinuta vyklučnaje prava dziaržavy na impart presnavodnaj ryby, pradukty pierapracoŭki ryby i morapraduktaŭ. Ich impartam zajmajucca jurydyčnyja asoby, jakija pieramahli na konkursie. Marskuju śviežamarožanuju rybu ciapier zmohuć impartavać lubyja jurydyčnyja asoby biez praviadzieńnia konkursu.
