Pavodle infarmacyi «Sovietskoj Biełorusii», znakamity pavodle fotazdymkaŭ pravakatar, jakoha ŭ narodzie prazvali «Navušnik», prosty hramadzianin, jaki nie maje ničoha supolnaha sa śpiecsłužbami. «Chamičenka Uładzimir Mikałajevič, 1986 h. n., zarehistravany pa adrasie h. Słuck, vuł. Uročyšča Puporava. U stanie ałkaholnaha apjanieńnia niepasredna ŭdzielničaŭ u pahromach, adzin z asnoŭnych chulihanstvujuŝich elemientaŭ», — adznačana ŭ vydańni.
Nasamreč vulicy Uročyšča Puporava ŭ Słucku nie isnuje. Heta paćviardžajuć pracaŭniki daviedki 109 «Biełtelekama», a taksama katałoh «Ałfavitny śpis vulicaŭ h. Słucku» «Biełpošty».
Majucca śviedčańni zatrymanych 19 śniežnia, jakija znachodzilisia ŭ adnoj kamiery z Uładzimiram Chamičenkam. Tak, Siarhiej H. raspavioŭ u intervju «Biełsatu» nastupnaje: «Nam hety
„Navušnik“ raspaviadaŭ, što jon užo šmat hadoŭ žyvie ŭ Smalensku.I ŭ Biełaruś pryjechaŭ vyklučna, kab vykazać svaju hramadzianskuju pazicyju suprać ułady ŭ dzień vybaraŭ».
U filmie BT «Płošča. Žalezam pa škle» prahučała, što Chamičenka pryjechaŭ u Miensk z Słucku «na zaprašeńnie BCHD». Namieśnik staršyni partyi Vital Rymašeŭski asprečvaje hetuju infarmacyju. «Siabram partyi Uładzimir Chamičenka nie źjaŭlajecca. Siarod siabraŭ BCHD nie było nivodnaha čałavieka, jaki biŭ škło na dźviarach Domu ŭrada», — adznačyŭ jon u intervju Jeŭraradyjo.
