Symantec: Kolkaść spamu, rassyłanaha pa elektronnaj pošcie, źniziłasia ŭ niekalki razoŭ

Ekśpierty Symantec vyjavili, što pa ŭsim śviecie industryja spamu — masavaj rassyłki niepažadanych rekłamnych paviedamleńniaŭ — pieražyvaje dramatyčny spad.

Abjom spamu, rassyłanaha ŭ śviecie, ustojliva źnižaŭsia prykładna ź siaredziny 2010 hoda, ale ŭ Kalady jaho padzieńnie stała asabliva zaŭvažnym.

U paraŭnańni sa žniŭniem 2010 hoda, kali štodnia rassyłałasia kala 200 młrd spam-listoŭ, da kanca hoda ich kolkaść źniziłasia ŭ čatyry razy. U śniežni ekśpierty pa biaśpiecy fiksavali tolki 50 młrd rassyłańniaŭ za dzień.

Pryčyny hetaha fienomienu nie zusim zrazumiełyja, havorać śpiecyjalisty pa baraćbie sa spam-industryjaj, ale viadoma, što ŭ dni kaladnych vakacyjaŭ praktyčna prypynili svaju dziejnaść try najbujniejšyja spamierskija botnety.

Najbujniejšy z hetych botnetaŭ, viadomych jak Rustock, na piku svajho rostu adkazvaŭ za 47–48% suśvietnaha spamu. Adnak, pavodle jaho słovaŭ, da śniežnia Rustock razasłaŭ tolki 0,5% spam-paviedamleńniaŭ u siecivie. Adnačasova pamienšyłasia kolkaść niepažadanaj pošty, jakaja rassyłajecca dvuma nastupnymi pa vieličyni botnetami Lethic i Xarvester.

Zvyčajna surjoznaje padzieńnie ŭzroŭniaŭ spamu byvaje źviazana z razbureńniem botnetaŭ, raskazaŭ brytanskim žurnalistam Poł Vud, hałoŭny analityk Symantec Hosted Services, adnak, nakolki jamu viadoma, Rustock nie kranuty.

Mahčymaje tłumačeńnie čatyrochkrotnaha źnižeńnia abjomu suśvietnaha spamu składajecca ŭ tym, što spamiery pierahrupoŭvajuć siły pierad nastupam na novych frantach. Jość prykmiety, što jany pačali źviartać usio bolš uvahi na alternatyŭnyja kanały raspaŭsiudu, naprykład, na Facebook i Twitter.

hitech.newsru.com/

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH