AAT «AŭtaVAZ» reanimuje prajekt stvareńnia aŭtamabila kłasa C i ŭžo da 2014—2015 hh. pradstavić madel na rynku. Da tych časoŭ pad brendam Lada budzie vypuskacca fejśliftynhavaja viersija Nissan Almera.
Takoje rašeńnie pryniataje na stratehičnaj siesii
top-menedžaraŭ Renault, Nissan i «AŭtaVAZa».
Lada holf-kłasa budzie hruntavacca na sumiesna raspracavanaj płatformie, u navincy budzie vykarystoŭvacca maksimalnaja kolkaść vuzłoŭ, jakija jość u mašynach Renault-Nissan. Pavodle papiarednich dadzienych, cana siedana moža skłaści kala $13 tys. Na bazie hetaj ža płatformy płanujecca pabudavać taksama krasovier, jaho košt składzie kala $16,5 tys. Zhodna sa stratehijaj raźvićcia «AŭtaVAZa» da 2020 hoda, zborku dźviuch novych madelaŭ płanujecca pačać u 2015–2016.
Da tych časoŭ, pa słovach hiendyrektara Renault ŭ Rasii Bruna Ansieła, Renault-Nissan prapanavaŭ «AŭtaVAZu» vypuskać pad svaim brendam fejśliftynhavuju viersiju siedana Nissan Almera Classic. Vytvorčaść hetych mašyn pačniecca ŭ 2012 hodzie, zapeŭnivaje krynica, blizkaja da " AŭtaVAZa». Pa jaje słovach, inviestycyi ŭ prajekt składuć kala 20 młn dalaraŭ.
U bazavaj kamplektacyi Almera Classic abstaloŭvajecca 1,6-litrovym bienzinavym ruchavikom (107 k.s.), miechaničnaj karobkaj pieradač i nie źmiaščaje praktyčna nijakich opcyj, dastupnych u bolš darahich kamplektacyjach, — ABS, elektraškłopadjomnikaŭ, aŭdyjosistemy, kandycyjaniera. U Rasii košt Almera pačynajecca ad $15 tys. Pavodle dadzienych «Aŭtastata» Rasii, u studzieni-listapadzie minułaha hoda ich było pradadziena 7113 štuk.
auto.newsru.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
