U 1994 hodzie inaŭhuracyja pieršaha prezidenta Biełarusi prajšła praź dziesiać dzion paśla vybaraŭ. U2001-m — praz adzinaccać dzion. U2006-m — praz dvaccać. Čaćviortaja prysiaha adkładajecca na rekordny termin.
Uspomnim minułaje.
1994 hod. Alaksandr Łukašenka pieramoh u druhim tury 10 lipienia. Cyrymonija inaŭhuracyi prajšła 20 lipienia hoda ŭ Avalnaj zale Doma ŭrada.
Jak piša «Kamsamołka», biasieda była ścipłaja, jak siaredniaje savieckaje viasielle. Z uspaminaŭ Viačasłava Kiebiča: «Paśla inaŭhuracyi my sfatahrafavalisia z novym prezidentam. Udzień byŭ furšet u domie ŭrada, tolki dla deputataŭ… Kolki heta kaštavała? Pa tych časach niadoraha. Nu prabačcie, zvyčajny abied bieź pieršaha! Kolki adzin deputat moža źjeści? Pa tych časach, pry tym kursie i pry tych cenach navat nie varta pra heta ŭspaminać».
Raskazvaje Leanid Sinicyn, pieršy kiraŭnik Administracyi prezidenta ŭ 1994–1996 hadach: «Inaŭhuracyja pieršaha prezidenta była značna bolš štodzionnym mierapryjemstvam, čym zdajecca pa skančeńni 15 hadoŭ (śmiajecca). Dla nas, kamandy, usio było prosta: jość prezident — musić być inaŭhuracyja. Pryznačyli datu, praviali, nasuprać hetaha punkta pastavili kryžyk. Sama inaŭhuracyja była vielmi ščyraja — i jon vieryŭ, i my…»
2001 hod. Vybary prajšli 9 vieraśnia. Inaŭhuracyja adbyłasia 20 vieraśnia.
2006 hod. Vybary — 19 sakavika. Inaŭhuracyja — 8 krasavika.
Varta adznačyć, što jak uVoś, da prykładu, što było adznačana ŭ miascovych i zamiežnych ŚMI piać hadoŭ tamu.2001-m , tak i ŭ2006-m hadach inaŭhuracyja prezidenta była našmat bolš pampieznaj, čym pieršaja.
Prysiahu i prahramnuju pramovu Alaksandra Łukašenki ŭ vialikaj zale Pałaca respubliki słuchali 2600 haściej. Cyrymonija tranślavałasia ŭ žyvym efiry pa ŭsich tele- i radyjokanałach.
Jak napisaŭ «Kamiersant», ni adzin lidar zamiežnych dziaržavaŭ na ŭračystaściach u Minsku nie prysutničaŭ. Pryčym najbližejšy i amal adziny sajuźnik Biełarusi — Rasija — nie była pradstaŭlenaja ni adnym aficyjnym pradstaŭnikom dziaržaŭnaj ułady.
Łukašenka byŭ bledny, panury, ściskaŭ ruki ŭ kułaki. Pad vačyma vyrazna byli bačnyja miaški. Samyja burnyja i praciahłyja apładysmienty publiki vyklikali jaho słovy ab tym, što ŭ Biełarusi mocnaja imunnaja sistema.
— Usie niazhrabnyja sproby ŭkaranić virus revalucyi stali supraćjadździem hetaj kalarovaj chvarobie, — zaŭvažyŭ jon.
Praz 15 chvilin paśla zajavy prezident vyjšaŭ na Kastryčnickuju płošču ŭžo ŭ hienieralskaj formie. U druhoj pałovie dnia na hetaj płoščy ŭ honar inaŭhuracyi prajšoŭ kancert.
2011 hod. Vybary — 19 śniežnia. Inaŭhuracyja da hetaha času nie pryznačanaja.
Pavodle zakanadaŭstva, jak adznačyła jašče da Novaha hoda staršynia CVK Lidzija Jarmošyna, cyrymonija pavinna adbycca da 19 lutaha 2011 hoda — nie paźniej, čym praz dva miesiacy z momantu praviadzieńnia vybaraŭ. Jana vykazała zdahadku, što prysiaha vybranaha ŭ čaćviorty raz prezidenta moža być pryznačanaja na 14 studzienia 2011 hoda.
— Ja dumaju,
Tym nie mienš, nielha nie zaŭvažyć, što čaćviortaja inaŭhuracyja Łukašenki ŭ paraŭnańni z papiarednimi ź niejkich pryčynaŭ projdzie značna paźniej. Z momantu vybaraŭ minuła ŭžo 23 dni, a pra cyrymoniju ničoha nie čuvać.
Bolš za toje, jak jašče ŭ kancy śniežnia dakładna zaŭvažyŭ AFN, takoje chutkaje pryznačeńnie novaha składu Saŭmina dazvalaje zrabić dźvie zdahadki: Łukašenka albo ŭžo prynios prysiahu (pavodle Kanstytucyi, tolki paśla inaŭhuracyi ŭrad składaje svaje paŭnamoctvy pierad novym prezidentam, jaki zatym pryznačaje novy skład urada, uzhadniŭšy papiarednie z parłamientam kandydaturu premjera),
albo kančatkova pajšoŭ uraznos, ihnarujučy pracedurnyja patrabavańni biełaruskaha zakanadaŭstva.
Jak by tam ni było, pavodle dadzienych na 11 studzienia, na aficyjnym sajcie Łukašenki pra datu čaćviortaj inaŭhuracyi nie było skazana ni słova.
Upres-słužbie prezidenta datu inaŭhuracyi taksama nie nazyvajuć.
— Pra toje, kali jana adbudziecca, infarmacyja budzie raspaŭsiudžanaja aficyjna, — unikliva adkazali «Salidarnaści» na inšym kancy drotu.
