Zvolnili za toje, što byŭ naziralnikam na vybarach 9
Juraś Špak-Ryžkaŭ nie prapracavaŭ u «Minharśviatle» i paŭhodu.
10 studzienia na pradpryjemstvie «Minharśviatło» prajšoŭ prafsajuzny schod, rašeńniem jakoha malar i prychilnik Ruchu «Za Svabodu» Juraś Špak-Ryžkaŭ byŭ zvolnieny za prahuły pa artykule 42 z adpaviednym zapisam u pracoŭnuju knižku.
Cikava, što spadara Špak-Ryžkava zvolnili mienavita za prahuły, što mieli miesca padčas daterminovaha hałasavańnia (15 i 16 śniežnia), a nie za 10 sutak, jakija jon pravioŭ u Žodzinskaj turmie paśla zatrymańnia na Płoščy
«Na prafsajuznym schodzie adzin čałaviek za mianie zastupiŭsia. Prapanavaŭ dazvolić mnie adpracavać prahuły, adnak nichto jaho nie słuchaŭ», — raspavioŭ karespandentu «NN» były malar.
Historyja z «prahułami» 15 i 16 śniežnia zasłuhoŭvaje asablivaj uvahi. Budučy naziralnikam ad Partyi BNF, Ju.Špak-Ryžkaŭ byŭ nastolki niepažadanym dla ŭładaŭ siabram vybarčaj kamisii, što jaho navat vyklučyli ź jaje składu. Adbyłosia heta 17 śniežnia. U vyniku pradpryjemstva paličyła, što čałavieka treba zvolnić. U «Minharśviatle» chacieli heta zrabić užo 20 śniežnia, adrazu paśla vybaraŭ, adnak spadar Juraś trapiŭ na sutki za ŭdzieł u Płoščy i zvolnić jaho zdoleli tolki zaraz.
«Mianie ž daloka nie pieršy raz zvalniajuć „za palityku“. Adnak raniej atrymoŭvałasia „pa zhodzie bakoŭ“, a zaraz voś tak adrazu pa artykule, za prahuły. U mianie nikoli nie było raniej hetych prahułaŭ», — narakaje spadar Juraś.
Varta dadać, što udziełam u pracy vybarčaj kamisii aktyŭnaść Ju.Špak-Ryžkava nie abmiežavałasia. Jon zdoleŭ zachavać u svaim fotaaparacie unikalnyja videakadry razhonu Płoščy i apublikavaŭ ich paśla viartańnia z-pad aryštu.
.jpg.webp)
.jpg.webp)
.jpg.webp)
