Palityka Jeŭrasajuza ŭ dačynieńni da Biełarusi razarvanaja na šmatki.Dva hady kantaktaŭ z režymam Alaksandra Łukašenki, pramoje supracoŭnictva ŭ ramkach prahramy «Uschodniaje partniorstva» i miakki nacisk, nakiravany na zabiaśpiečańnie choć niejkaj prastory dla demakrataŭ u krainie — usio heta skončyłasia kracham 19 śniežnia, kali milicyja zdušyła śmieły masavy pratest suprać padtasovak na vybarach. Byli praviedzienyja rejdy i pieratrusy ŭ niezaležnych srodkach masavaj infarmacyi i niaŭradavych arhanizacyjach, sotni zmaharoŭ za demakratyju apynulisia za kratami, dzie ich čakaje brutalnaje abychodžańnie i suvoryja prysudy. Heta byŭ zmročny dzień — jak dla demakratyčnaj apazicyi Biełarusi, tak i dla chvalenaj «miakkaj siły» Jeŭropy.
Jeŭrapiejskich palitykaŭ hetyja padziei zaśpieli źnianacku.Mnohija z tych, chto ŭ šoku i žachu zdalok naziraŭ za represiŭnymi dziejańniami milicyi, ciažka pracavali (razam sa svaimi biełaruskimi partniorami) nad pierazahruzkaj adnosin ź Biełaruśsiu, pastaviŭšy na kon svoj asabisty aŭtarytet. Ichnaje abureńnie było adlustravanaje ŭ rezkim asudžeńni, ź jakim vystupili ŭ ŚMI ministry zamiežnych spravaŭ Šviecyi, Čechii, Polščy i Hiermanii. Tym nie mienš, u aficyjnych zajavach amal ničoha nie havorycca pra toje, što Jeŭrasajuz pavinien zrabić u adkaz. A ciapier nieabchodnaja pierazahruzka pierazahruzki — heta značyć, razvarot na 180 hradusaŭ.
Demakratyja ŭ Biełarusi znachodzicca ŭ stanie humanitarnaj katastrofy.Šmat ludziej apynułasia za kratami, u mnohich niama ciopłaj vopratki, dastatkovaha charčavańnia, nieabchodnych miedykamientaŭ, adsutničaje jurydyčnaja dapamoha. Paśla vyzvaleńnia jany dalej pieraśledujucca milicyjaj, ich pazbaŭlajuć pracy, vyhaniajuć z univiersitetaŭ. Usie jany majuć patrebu ŭ abaronie, prytułku i finansavaj padtrymcy. Jeŭrasajuz pavinien nieadkładna akazać im dapamohu, dziejničajučy praz ambasady, dabračynnyja arhanizacyi, a taksama źviartajučysia da paasobnych hramadzianaŭ.
Horš za ŭsich davodzicca 23 zatrymanym, jakija znachodziacca ŭ turmach KDB, uklučajučy kandydataŭ u prezidenty ad apazicyi i ich paplečnikaŭ. Pavodle dadzienych Amnesty International, na dopytach ich navat katujuć. Zdaroŭje jak minimum dvaich ź ich — Andreja Sańnikava i Uładzimira Niaklajeva — chutka paharšajecca, i im patrebnaja nieadkładnaja miedyčnaja dapamoha. Jeŭrasajuz abaviazany zapatrabavać humannaha staŭleńnia da źniavolenych, pradstaŭleńnia im sustrečaŭ z daktarami, advakatami i svajakami, i ŭrešcie vyzvaleńnia hetych zatrymanych.
Va ŭsich astatnich pytańniach adnosiny pamiž Jeŭrasajuzam i Biełaruśsiu musiać być zamarožanyja.Usie prajekty, takija jak płany pahłybleńnia supracoŭnictva, udzieł u prahramie Uschodniejeŭrapiejskaha partniorstva, vydača kredytaŭ i akazańnie ekanamičnaj dapamohi z boku jeŭrapiejskich arhanizacyj pavinnyja być prypynienyja až da vyzvaleńnia zatrymanych minskim režymam.
Daviadziecca znoŭ uvieści vizavyja zabarony dla minskaha kiraŭnictva, jakija byli skasavanyja dva hady tamu. Śpis asobaŭ, ujezd jakich na terytoryju Jeŭrasajuza pavinien być zabaronieny, nieabchodna pierahledzieć i pašyryć, uklučyŭšy tudy vinavatych u padtasoŭcy na vybarach i ŭ brutalnaści paśla ich.
Tudy varta ŭnieści proźvišča Łukašenki, a taksama kiraŭnikoŭ centralnaj i rehijanalnych vybarčych kamisij, kiraŭnikoŭ dziaržaŭnych srodkaŭ masavaj infarmacyi, aficeraŭ, jakija zahadvali ŭžyvać hvałt suprać pratestoŭcaŭ, proźviščy śledčych z KDB, načalnikaŭ turmaŭ, dziaržaŭnych prakuroraŭ i sudździaŭ, jakija sotniami vynosili palityčna matyvavanyja prysudy.Heta padaść vyrazny sihnał dziaržaŭnamu aparatu Biełarusi, a taksama pazbavić złačyncaŭ mahčymaści vydatkoŭvać svaje premijalnyja padčas adpačynkaŭ i
Adnačasova Jeŭrasajuz pavinien pryniać u svaje abdymki prostych biełarusaŭ. Šmat chto ŭ Biełarusi, kaho piatnaccać hadoŭ izalavali i bambili antyzachodniaj prapahandaj, nie viedaje navat taho, ci byŭ by jon žadanym hościem u siamji jeŭrapiejskich narodaŭ.
Jeŭrasajuz moža raźviejać hetyja sumnievy libieralnaj vizavaj palitykaj, abo admianiajučy ŭsie vizavyja patrabavańni, abo, jak minimum, dajučy biez abmiežavańniaŭ vizy narmalnym hramadzianam.Heta stanie prajavaj salidarnaści z hramadstvam, jakoje apynułasia ŭ abłozie. Z časam adkrytyja miežy ŭzmocniać pazicyi tych biełarusaŭ, jakija bačać budučyniu svajoj krainy razam ź Jeŭropaj. Polšča niekalki dzion tamu padała dobry prykład, uvioŭšy ŭłasnyja vizavyja abmiežavańni dla pradstaŭnikoŭ uładaŭ u Minsku i admianiŭšy płatu za nacyjanalnyja vizy dla hramadzianaŭ Biełarusi.
Jeŭropa pavinnaja taksama akazać bolšuju padtrymku hramadzianskaj supolnaści ŭ Biełarusi. Niahledziačy na šmathadovy cisk z boku dziaržavy, u hetaj «apošniaj dyktatury Jeŭropy» isnuje enierhičnaja i davoli šmatlikaja demakratyčnaja supolnaść, jakaja nie baicca havaryć svabodna, niezaležna i krytyčna. Hetaja supolnaść źviedvaje mahutnyja napadki z boku dziaržaŭnaj ułady, i vyžyć jana zmoža tolki dziakujučy nieadkładnaj dapamozie Jeŭropy. Niekatoryja krainy Jeŭropy, takija jak Niderłandy i Šviecyja, daŭno ŭžo dajuć takuju finansavuju dapamohu, jakaja ciapier patrebnaja bolš, čym
Kali hladzieć na daŭžejšuju pierśpiektyvu, dyk
pakul Biełaruśsiu kiruje Łukašenka, ničoha dobraha ź jaje nie atrymajecca. I tut Jeŭrasajuz pavinien pamiatać ab najaŭnych u jaho mahutnych ryčahach ekanamičnaha ŭździejańnia,bo krainy Jeŭrasajuza źjaŭlajucca hałoŭnymi atrymalnikami biełaruskaha ekspartu. Jeŭrasajuz znojdzie ŭ hetym pytańni partniora ŭ Złučanych Štatach, bo ZŠA
Biełarusy nazyvajuć 19 śniežnia 2010 h. svajoj «kryvavaj niadzielaj». Kali Jeŭropie chopić mužnaści, kab supraćstajać Minsku, hety dzień moža zapomnicca i jak pačatak kanca tyranii Łukašenki.
* * *
Jorh Forbryh — adzin z kiraŭnikoŭ prahramy pa Centralnaj i Uschodniaj Jeŭropie Fonda Maršała
