Na Vadochryšča (19 studzienia) u Biełarusi ŭzmocniacca marazy,
paviedamiŭ načalnik słužby hidramietearałahičnych prahnozaŭ Respublikanskaha hidramietearałahičnaha centra Dźmitryj Rabaŭ 5 studzienia na
Jon adznačyŭ, što pavodle papiaredniaha prahnozu, na Vadochryšča na terytoryju Biełarusi znoŭ pačnuć pastupać chałodnyja pavietranyja masy sa Skandynavii. Tempieratura pavietra čakajecca nočču minus 10–16, pry prajaśnieńniach da minus 18–20, dniom minus 8–14 hradusaŭ.
Jak paviedamiŭ Rabaŭ, u najbližejšyja dni ŭ Biełarusi čakajecca adliha, a
le takoje paciapleńnie budzie niadoŭhim— užo ŭ pačatku nastupnaha tydnia ciopłaje vilhotnaje pavietra pačnie pakidać Biełaruś, i ŭstalujecca słabaje maroznaje nadvorje. U pačatku nastupnaha tydnia tempieratura pavietra nočču budzie minus 3–10 pry prajaśnieńniach da minus 12–14 hradusaŭ, dniom minus 1–6 hradusaŭ.
Pavodle słoŭ śpiecyjalista, u druhoj pałovie nastupnaha tydnia nadvorje buduć vyznačać vielmi aktyŭnyja atłantyčnyja cykłony, vierahodna, jany pryniasuć čarhovuju porcyju hustych śniehapadaŭ u Biełaruś. Pry hetym tempieratura pavietra nočču čakajecca ad 0 — minus 2 pa poŭdni da minus 10–12 hradusaŭ pa poŭnačy, dniom ad 0 — plus 2 u paŭdniovych rajonach da minus 7–9 hradusaŭ pa poŭnačy.
Pavodle papiaredniaha prahnozu, siaredniaja tempieratura pavietra ŭ studzieni čakajecca kala klimatyčnaj normy, jakaja składaje ad minus 4,5 da minus 8 hradusaŭ. Miesiačnaja kolkaść apadkaŭ na 25–30% pieravysić klimatyčnuju normu, jakaja składaje 32–46 mm.
