Udzieł Biełarusi ŭ inicyjatyvie Jeŭrasajuza «Uschodniaje partniorstva» zaležyć ad dalejšaha raźvićcia situacyi ŭ krainie. Pra heta zajaviŭ pasoł Vienhryi — jana staršyniuje ŭ ES — Fierenc Kontra 5 studzienia na pres-kanfierencyi ŭ Minsku.
«Z-za padziej apošnich dvuch tydniaŭ u nas składvajecca ŭražańnie, što žadańnie supracoŭnictva padaje ź biełaruskaha boku. Pakul my analizujem situacyju i nie chacieli b rabić paśpiešlivych vysnoŭ», — skazaŭ jon.
Kontra padkreśliŭ, što dalejšaje raźvićcio biełaruska-jeŭrapiejskich adnosin budzie zaležać ad rašeńnia, jakoje prymuć ministry zamiežnych spraŭ krain ES na pasiadžeńni ŭ studzieni. «Ale kali ŭ Biełarusi źjaviacca novyja palitviaźni, to adnosiny ES i Biełarusi kardynalna źmieniacca. Niekatoryja ludzi niapravilna aceńvajuć situacyju i nie razumiejuć, što ź ES možna pracavać na asnovie peŭnych pryncypaŭ. Kali hetyja pryncypy nie pavažajucca, to nie moža być supracoŭnictva», — zaznačyŭ dypłamat.
Pavodle jaho słoŭ,
kali Biełaruś choča «paŭnacenna ŭdzielničać va Uschodnim partniorstvie, to štości treba mianiać».
Kontra taksama paviedamiŭ, što samit krain — udzielnic prahramy «Uschodniaje partniorstva» projdzie 27 maja 2011 hoda ŭ Budapiešcie. Jon nie zmoh adkazać na pytańnie, ci budzie zaprošany dla ŭdziełu ŭ mierapryjemstvie biełaruski prezident Alaksandr Łukašenka. «Rašeńnie jašče nie pryniata, zaprašeńni nie rassyłalisia. Ale pierš čym takoje rašeńnie budzie pryniata, u Biełarusi pavinny być zroblenyja niejkija kroki. U pryvatnaści,
pavinny być vyzvalenyja ŭsie zatrymanyja padčas akcyj, a taksama pavinien spynicca pieraśled žurnalistaŭ»,
