Baćki dyrektara teatra Natalli Kalady paviedamili pra toje, što ŭčora, 4 studzienia, u kvateru, dzie pražyvajuć Natalla i jaje muž,art-dyrektar teatra, Mikałaj Chalezin, pryjšli supracoŭniki KDB.
Jany praviali ahlad kvatery i zadali šerah pytańniaŭ. U pryvatnaści, ich cikaviła, jakim čynam Kalada i Chalezin zmahli pakinuć krainu; dzie ciapier jany znachodziacca i dzie znachodzicca ich dačka.
Nahadajem, aktory minskaha «Svabodnaha teatra» znachodziacca na hastrolach u Złučanych Štatach Amieryki. Pajezdku artysty vykarystoŭvajuć dla taho, kab raspavieści amierykancam pra biełaruskuju palityčnuju situacyju.
Natalla Kalada była zatrymana i aštrafavana za ŭdzieł u mirnaj akcyi pratestu na 30 bazavych vieličyń. 20 śniežnia supracoŭniki śpiecsłužbaŭ šukali Mikałaja Chalezina. Mižnarodny kaardynatar Svabodnaha teatra Arciom Žalaźniak byŭ prysudžany da 11 sutak aryštu.
0
0
0
0
0
0
