Pasolstva Vienhryi rychtuje zajavu ad imia pasłoŭ krain ES z patrabavańniem vyzvalić palitviaźniaŭ

Pasolstva Vienhryi ŭ Biełarusi rychtuje zajavu ad imia pasłoŭ krain Jeŭrasajuza, akredytavanych u Biełarusi, z patrabavańniem nieadkładna vyzvalić usich palityčnych źniavolenych.

Pra toje, što takaja zajava moža być raspaŭsiudžanaja ŭžo 5 studzienia, paviedamiŭ pasoł Vienhryi ŭ Biełarusi Fierenc Kontra 4 studzienia na sustrečy pasłoŭ krain ES z žonkami viaźniaŭ KDB i pradstaŭnikami hramadskaści. Pra heta paviedamiŭ BiełaPAN adzin z udzielnikaŭ sustrečy Uładzimir Kołas, staršynia Rady biełaruskaj intelihiencyi.

Nahadajem, z 1 studzienia 2011 hoda Vienhryja staršynstvuje ŭ Jeŭrasajuzie.

U sustrečy brali ŭdzieł Volha Niaklajeva, žonka eks-kandydata ŭ prezidenty Uładzimira Niaklajeva, i Volha Bandarenka, žonka davieranaj asoby Andreja Sańnikava Dźmitryja Bandarenki. Jany pradstaŭlali kamitet svajakoŭ palitźniavolenych «Vyzvaleńnie». Taksama ŭ sustrečyli ŭdzielničali kiraŭnik Minskaj arhanizacyi Partyi BNF Viktar Ivaškievič i staršynia jurydyčnaj kamisii Biełaruskaha Chielsinkskaha kamiteta Hary Pahaniajła, jakija pradstaŭlali kaardynacyjny kamitet salidarnaści z palitźniavolenymi i paciarpiełymi paśla padziej 19 śniežnia.

0

0

0

0

0

0

Marat Haravy, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH