Praktyčnyja patreby «Našaj Nivy» paśla pieratrusu. Zvarot da kaleh i čytačoŭ 23

Vakno kuchni PEN-Centra. Zaraz tam adbyvajecca pieratrus. Fota Cimy Drančuka.

Vynosiać kampjutary.

Niŭski pakoj paśla pieratrusu.

28 śniežnia pieratrus prajšoŭ u Redakcyi «Našaj Nivy» i ŭ hałoŭnaha redaktara. Skanfiskavany sistemnyja błoki kampjutaraŭ, fłeški, kampakt-dyski.

«Naša Niva» budzie rychtavać nastupny numar u zvykłym paradku. Sajt praciahvaje svaju pracu. U pieršaj pałovie dnia 29 śniežnia my praviali nieabchodnyja zachady pa jaje zabieśpiačeńni.

Situacyja takaja, što skanfiskavanyja kampjutary zavisnuć u KHB na niapeŭny čas.

Što treba supracoŭnikam Redakcyi dla adnaŭleńnia narmalnaj pracy?

Pa-pieršaje, hrošy, jak zvykła. Čarhovy raz padziakujem ŭsim tym, chto achviaruje dziesiacinu ci tryccacinu ad svaich prybytkaŭ na patreby niezaležnaha hramadstva i «Našaj Nivy» ŭ pryvatnaści.

Pa-druhoje, kankretna —

sistemnyja błoki kamputaraŭ (manitoraŭ i kłavijatur nie treba — ich nie zabrali). Źviartajemsia z prośbaj da kaleh i čytačoŭ pra pieradaču ŭ časovaje biazvypłatnaje karystańnie supracoŭnikam «Našaj Nivy» kampjutaraŭ.

Padyduć i staryja. Ale nie prapanujcie zusim słabyja.

Dla pracy nam treba dosyć mocnyja, kab možna było narmalna karystacca internetam, fatašopam, pracavać pa patrebach ź videa.

Chto zachoča — tamu padziakujem publična. Chto nie schoča — tamu padziakujem pryvatna.

Spadziajomsia na vašu apieratyŭnuju dapamohu.

Źviartacca na:

[email protected]

Skype: Nashaniva

Teł. (017) 284-73-29

(029) 613-32-32

(029) 707-73-29

Z pavahaj,

Redaktary «Našaj Nivy»

Redaktary «Našaj Nivy»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH