U Mahilovie naziralnik na ŭčastku №33 Taćciana Masałkova 15 śniežnia była vydalena za toje, što nie pierastała žavać žavalnuju humku.
Jak paviedamiła BiełaPAN Masałkova, u himnazii № 2 dva ŭčastki — 33-i i 34-y — znachodziacca ŭ adnym nievialikim pamiaškańni. Dyrektar himnazii Uładzimir Fieščanka źjaŭlajecca staršynioj 34-ha ŭčastka. "Ja siadzieła kala stała 33-ha ŭčastka, — raskazvaje naziralnik. — Jon uvajšoŭ u kabiniet i zajaviŭ, što jon dyrektar škoły — ustanovy adukacyi, dzie nielha žavać humku. Ja rastłumačyła jamu, što pryjšła nie ŭ škołu, a na ŭčastak. Jon ža paprasiŭ milicyju vydalić mianie".
Uładzimir Fieščanka na pytańnie BiełaPAN pa telefonie ab tym, ci sapraŭdy jon vydaliŭ z učastka naziralnika Taćcianu Masałkovu, skazaŭ, što takaja na jaho ŭčastku nie zarehistravana, i kinuŭ trubku.
"U hetym vypadku my bačym hrubaje parušeńnie častki 1 artykuła 13 Vybarčaha kodeksa, dzie havorycca, što vybary prachodziać adkryta i hałosna, — zajaviŭ kaardynatar kampanii "Za spraviadlivyja vybary" pa Mahilovie Alaksandr Siłkoŭ. — Ciapier pa hetym parušeńni naziralnik rychtuje skarhi ŭ Centralnuju i abłasnuju kamisii pa vybarach, a taksama prakuraturu".