Da 2015 hoda ŭ biełaruskich škołach płanujecca ŭvieści fakultatyŭnyja zaniatki «Asnovy pravavych viedaŭ», vučebnyja prahramy «Azbuka prava».
Heta praduhledžana płanam mierapryjemstvaŭ pa pravavoj aśviecie hramadzian na 2011–2015 hady, jaki zaćvierdžany pastanovaj urada Biełarusi № 1771 ad 3 śniežnia.
Jak paviedamlajecca na aficyjnym sajcie Ministerstva justycyi, uviadzieńnie novych fakultatyŭnych zaniatkaŭ i vučebnych prahram, a taksama praviadzieńnie raznastajnych konkursaŭ i alimpijad pa profilnaj tematycy razhladajecca «ŭ jakaści važnaha srodku papularyzacyi pravavych viedaŭ u halinie pravoŭ i svabod čałavieka».
Jak adznačajuć u Miniuście, mierapryjemstvy płana pa pravavoj aśviecie skiravanyja «na pavyšeńnie ŭzroŭniu pravavoj kultury šyrokaha koła asob, na farmiravańnie ŭ nasielnictva krainy cikavaści dziejničać na praciahu svajho žyćcia ŭ jakaści aktyŭnych i adkaznych hramadzian, jakija pavažajuć pravy inšych členaŭ hramadstva». Mierapryjemstvy taksama nacelenyja «na navučańnie ludziej aryjentavacca ŭ situacyjach, jakija patrabujuć pravavych viedaŭ, u metach stvareńnia nieabchodnych umoŭ dla maksimalnaj abarony imi svaich pravoŭ i zakonnych intaresaŭ».