Kandydat na prezydenta Biełarusi Viktar Ciareščanka zaklikaje vybarcaŭ nia ŭdzielničać u akcyi na Kastryčnickaj płoščy Miensku 19 śniežnia.
«Ja zaklikaju nie prychodzić na płošču 19 śniežnia, nie padtrymlivać partyi, jakija šturchajuć ludziej na biesparadki», — zajaviŭ V. Ciareščanka na
«Ja zadaŭ pytańnie, čamu treba pryjści 19 śniežnia, a nia potym, kali buduć viadomyja vyniki vybaraŭ. Abo niechta ŭžo zahadzia viedaje, što vybary buduć sfalsyfikavanyja? Ja pakul što nia viedaju pra toje, što jość fakty falsyfikacyi. I dumaju, što ŭłada nia pojdzie na vidavočnaje publičnaje parušeńnie»,- skazaŭ V. Ciareščanka.
Pry hetym jon dadaŭ, što «kali stabilnaść dziakujučy płoščy budzie parušana, to my parušym u krainie i ekanamičnuju stabilnaść»:
«Ja suprać taho, kab partyi raskručvali sytuacyju. Na płoščy mohuć być i pravakacyi. Adzin z kandydataŭ u prezydenty mnie naŭprost skazaŭ, što my idziem na rezydencyju.
Ale tudy ž nia pojduć darosłyja, tudy paviaduć dziaciej. I ja jak hramadzianin i jak baćka nie chaču krovapralićcia 19 śniežnia», — skazaŭ kandydat.
Razam z tym U. Ciareščanka paviedamiŭ, što sam źbirajecca pryjści 19 śniežnia na płošču, patłumačyŭšy heta tym, što «na joj buduć prysutničać tyja, chto mianie padtrymlivaje i vyłučaŭ kandydatam u prezydenty».