U vyniku ŭ pieršy ž dzień daterminovaha hałasavańnia kiraŭnictva kambinatu pajšło na sastupki, a hienieralny dyrektar publična pakajaŭsia pierad ludźmi.Pa-biełarusku kamičnaja situacyja dniami skłałasia na Słuckim miasakambinacie. Jak stała viadoma «Našaj Nivie», jaho supracoŭniki vyrašyli pazbavicca ad źnienavidnaha kiraŭnika z dapamohaj… admovy ad udziełu ŭ vybarach.
Novy hienieralny dyrektar, Viktar Tamašeŭski, źjaviŭsia na Słuckim miasakambinacie adnosna niadaŭna — prykładna hod tamu. I adrazu ž pačaŭ uvodzić novyja paradki. Najbolš aburalnym ź jakich byli zvalnieńni stałych vopytnych supracoŭnikaŭ. Zamiest ich spadar Tamašeŭski nabiraŭ maładych śpiecyjalistaŭ. U dadatak, supracoŭnikam miasakambinatu pryjšoŭsia niedaspadoby vybuchovy charaktar kiraŭnika.
«Tamašeŭski moh zranku być u dobrym nastroi i łahodna stavicca da supracoŭnikaŭ, a ŭ abied užo ŭsio źmianiałasia. Ad jaho ŭsiaho možna było čakać, i chamstva i abrazaŭ», —raspavioŭ karespandentu «Našaj Nivy» žychar Słucka Ivan.
Supracoŭniki miasakambinata ciarpieli novuju palityku hod. A kali nablizilisia prezidenckija vybary, zajavili kiraŭnictvu, što «abo źmienicca hienieralny dyrektar, abo my hałasavać nie pojdziem». Navat admysłovuju zajavu napisali. Na pradpryjemstvie i ŭ samim horadzie ŭsčaŭsia verchał. Pajšli navat čutki, što miasakambinat budzie bastavać pa palityčnych pryčynach. Adnak revalucyja na adnym asobna ŭziatym pradpryjemstvie nie adbyłasia. Užo ŭ paniadziełak (zajava ab admovie ad udziełu ŭ vybarach była pakładzienaja Tamašeŭskamu na stoł u piatnicu) na pradpryjemstvie adbyŭsia publičny schod z udziełam supracoŭnikaŭ, kiraŭnictva i pradstaŭnikoŭ rajvykankamu. Na schozie spadar Tamašeŭski publična paprasiŭ prabačeńnia ŭ padnačalenych i paabiacaŭ vypravicca. Što praŭda, Tamašeŭskamu nie asabliva vierać.
«Paśla vybaraŭ pabačym, jakim jon stanie», — havorać u Słucku.
Usie sproby atrymać kamientar u samoha Viktara Tamašeŭskaha skončylisia ničym. Hienieralny dyrektar ad samaj ranicy «znachodzicca ŭ rajvykankamie, a kali vierniecca — nieviadoma». U pryjomnaj karespandentu «Našaj Nivy» taksama paviedamili, što «ni ab jakim skandale my nie čuli. Schod u paniadziełak byŭ. Kiraŭnictva razmaŭlała z supracoŭnikami ab biahučych prablemach».
