Kandydat u prezidenty Andrej Sańnikaŭ i jaho davieranaja asoba Źmicier Bandarenka sustrelisia z hruzinskimi naziralnikami, sajt «Jeŭrapiejskaja Biełaruś» — sajt kampanii, jakuju kaardynuje kandydat u prezidenty Andrej Sańnikaŭ.
Dla nazirańnia za prezidenckimi vybarami ŭ Biełarusi hruzinski bok arhanizavaŭ asobnuju misiju. Hruzija nie ŭvachodzić u SND, tamu jana maje niekalki pradstaŭnikoŭ u misii ABSIE. Akramia taho, kala 50 čałaviek buduć śpiecnaziralnikami tolki ad Hruzii.
«My raskazali ab tym, u jakich umovach, ź jakimi parušeńniami prachodzić vybarčaja kampanija. Pra toje, što ludziej prymušajuć udzielničać u daterminovym hałasavańni, a ŭ rehijonach vykarystoŭvajuć kantraktnuju sistemu dla cisku na demakratyčnych aktyvistaŭ. Ab tym, što dla kamandy Sańnikava vybary pačalisia vielmi składana — zahinuŭ adzin z kiraŭnikoŭ štaba, naš siabar Aleh Biabienin.
Ad siabie mahu z upeŭnienaściu skazać — z taho, jakija pytańni zadavali hetyja ludzi, jak reahavali na našy słovy, jasna, što jany pryjechali dla taho, kab abviaścić hetyja vybary demakratyčnymi. Saakašvili adpraviŭ hetuju śpieckamandu, kab padtrymać dyktatara Łukašenku. Ale niemahčyma vyratavać palityčny trup», — skazaŭ pra sustreču Źmicier Bandarenka.
