Siońnia, a 15:45 u svaim domie ŭ vioscy Bobr Puchavickaha rajonu byŭ aryštavany mastak i palityčny aktyvist apazycyi Aleś Puškin. Pra heta paviedamiła jaho žonka Alesia.
«Pryjechała hrupa milicyjantaŭ na čale z operupaŭnavažanym kryminalnaha vyšuku Krupskaha RAUS majoram Andrejem Andrejkavym. Jany „skrucili“ muža i hvałtam vyvieźli jaho z domu».
Pa słovach spadaryni Janiny, siońnia da Puškina pryjšoŭ miascovy vałacuha, jaki brydka łajaŭsia i pravakavaŭ jaje muža na bojku.
Paśla taho, jak «niazvany hość» pakinuŭ dvor pryvatnaj siadziby, prymčalisia milicyjanty. Jany śćviardžajuć, što atrymali zajavu na nibyta ŭčynienuju Alesiem Puškinym bojku.
Spadarynia Janina nie sumniavajecca, što suprać Alesia Puškina arhanizavali čarhovuju pravakacyju. Surazmoŭnica nahadvaje, što padčas minułych prezydenckich vybaraŭ Aleś Puškin taksama byŭ zatrymany i asudžany na 15 sutak aryštu. Tym samym jon byŭ pazbaŭleny mahčymaści ŭdzielničać u palityčnych akcyjach apazycyi.
A 16:20 dziažurny Puchavickaha RAUS zajaviŭ, što «Alesia Puškina ŭ jaho adździele niama. Nam jaho jašče nie pryvozili «.
