WikiLeaks: ZŠA raspracavali płan abarony Polščy i krain Bałtyi ad Rasii 11

U 2010 hodzie ZŠA sumiesna z krainami NATA raspracavała płan abarony Polščy i krain Prybałtyki ad rasijskaj ahresii,

paviedamlaje sajt WikiLeaks. Biełaruś u śfieru abarony intaresaŭ ZŠA nie ŭvajšła.

Pavodle sakretnych dakumientaŭ, apublikavanych 6 listapada na sajcie Džulijana Asandža, dziaržsakratar ZŠA Chiłary Klintan u studzieni padpisała sakretny dakład, pavodle katoraha Złučanyja Štaty abaviazvajucca pašyryć płan abarony Polščy. Pavodle hetaha dakumientu, u płan abarony majuć uvajści taksama krainy Prybałtyki — Litva, Łatvija i Estonija.

Zhodna płanu NATA, jaki atrymaŭ hučnuju nazvu «Eagle Guardian» (Aroł Abaronca), Polšča i prybałtyjskija krainy majuć uvajści ŭ ahulnuju zonu abarony aljansa. U vypadku uzbrojenaj ahresii Rasii Łatviju, Litvu i Estoniju pavinny abaraniać dzieviać vajskovych dyvizij ZŠA, Vialikabrytanii, Hiermanii i Polščy.

Zhodna pierapiscy amierykanskich dypłamataŭ, urady prybałtyjskich krain vielmi pazityŭna ŭspryniali źjaŭleńnie takich damoŭlenaściaŭ.

Z dakumientaŭ, apublikavanych WikiLeaks, taksama vynikaje, što dasiahnieńniu damoŭlenaści ab pašyreńni zony abarony paspryjała hruzina-rasijskaja vajna. U pryvatnaści, niamiecki bok tolki paśla kanfliktu ŭ Paŭdniovaj Asiecii pahadziŭsia prystupić da pieramovaŭ ab mahčymaj uzbrojenaj abaronie Prybałtyki ad Rasii.

WikiLeaks raspačaŭ publikacyju sakretnych dypłamatyčnych dakumientaŭ ZŠA z kanca listapada. Depiešy z pasolstva ZŠA ŭ Minsku pakul nie publikavalisia, choć na sajcie śćviardžajecca ab najaŭnaści bolš čym 1800 takich dakumientaŭ.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH