ZŠA vymušanyja časova prypynić druk 100-dołaravych kupiur novaha ŭzoru. Ich mierkavałasia zapuścić u abaračeńnie ŭ lutym 2011 hoda. Takoje rašeńnie było pryniataje z-za vialikaj kolkaści braku pry druku.
Z-za skryŭleńnia drukavanaha lista na vierchnim boku banknot źjaŭlajucca niepradrukavanyja pałosy. Taki defiekt maje amal kožnaja treciaja z usich novych kupiur. Pryčynu braku pakul vyjavić nie ŭdałosia, paviedamlajuć infarmahienctvy.
Da momantu prypynieńnia druku było vydrukavana 1,1 młrd banknotaŭ. Kolki ź ich atrymalisia z brakam, pakul nie viadoma. Usie novyja kupiury adpraŭlenyja ŭ śpiecyjalnaje schovišča. Śpiecyjalisty terminova raspracoŭvajuć sistemu miechaničnaha sartavańnia kupiur z brakam. Ručnoje sartavańnie kupiur zojmie ad 20 da 30 hadoŭ, miechaničnaje - kala hoda.
0
0
0
0
0
0
