Z nadychodam chaładoŭ u Minsku pačali hareć aŭtamabili. Tolki na hetym tydni ŭ stalicy zhareli čatyry mašyny. Na vulicy Kamiennahorskaj uspychnuŭ matorny adsiek Citroen C5. U aŭtamabila paškodžanaja ŭsia piaredniaja častka — łabavoje škło, koły, kapot, bampier, fary. Na vulicy Kozyraŭskaj uspychnuŭ Peugeot 307 — ahoń taksama pajšoŭ z matornaha adsieku. Paškodžana prybornaja panel, sałon i sam matorny adsiek. Na terytoryi STO pa vulicy Aŭtamabilistaŭ zaharełasia Mazda MPV, matorny adsiek całkam vyharaŭ.
Pa dadzienych MNS,
pryčynaj usich troch uzharańniaŭ stała karotkaje zamykańnie elektrapravodki. Heta mahło adbyccaz-za niadaŭnich śniehapadaŭ: śnieh nabiŭsia pad kapot aŭto i, rastajučy, spravakavaŭ karotkaje zamykańnie.
U haražy na vulicy Ałtajskaj zaharełasia Audi 80. Mašynu paśpieli vykacić, ale jana całkam zhareła. Na dumku ratavalnikaŭ, pažar pačaŭsia
Niaspraŭnaje hazavaje abstalavańnie stała pryčynaj jašče adnaho pažaru. U sieradu na praśpiekcie Niezaležnaści zhareŭ Opel Vectra. Pavodle papiaredniaj infarmacyi, kiroŭca sprabavaŭ patušyć mašynu i atrymaŭ apioki ruk.
Jak možna zaścierahčysia ad uzharańnia aŭto?
Draty elektraabstalavańnia, sabranyja puki, trucca ab korpus aŭto i adzin ab adzin. Pastupova izalacyja ścirajecca, časam da dzirak. Kali vy zaŭvažyli, što adzin z dratoŭ niejkim čynam vyskačyŭ z puka, viarnicie jaho na miesca — hetaje prostaje dziejańnie moža vyratavać aŭto i navat vaša žyćcio.Kali ž drot užo pačaŭ iskryć i vam paščaściła heta zaŭvažyć, zrabicie nastupnaje:
1. Abrežcie drot na niekalki santymietraŭ vyšej i nižej za paškodžanaje miesca.
2. Zrabicie ŭstaŭku z zapasnoha drota.
3. Zaizalujcie miescy novych złučeńniaŭ z dapamohaj izalacyjnaj stužki (karystacca tut skotčam vielmi niepažadana).
4. Kali niaspraŭnych dratoŭ niekalki, pasprabujcie apisanyja dziejańni dla kožnaha ź ich.
5. Abaviazkova pakažycie mašynu prafiesijnamu elektryku. Chaj jon ahledzić pravodku na pradmiet sapsavanaj izalacyi ŭ inšych miescach aŭtamabila.
