Razhrom: BATE — «Dynama» Kijeŭ — 1:4 Abnoŭlena, dadalisia repartaž, foty i videa. 25

U matčy hrupavoha etapu Lihi Jeŭropy barysaŭski BATE razhromna prajhraŭ kijeŭskamu «Dynama» — 1:4 (Niachajčyk, 84 — Vukojevič, 16, Jaromienka, 43, Husieŭ, 49, Mileŭski, 69).

U čaćvier na "Dynama" było choładna.

Pieršaja łastaŭka...

Fan-siektar "BATE".

Supraćstajańnie časam pierachodziła miežy sportu. Sutyčka futbalistaŭ.

Baraćba prachodziła hałoŭnym čynam la bramy barysaŭčan.

Hladzieć futboł u takich umovach jašče nie davodziłasia. Nie viedaju, i ci daviadziecca. Dva apošnija dni pierad hulnioj byli padobnaje da hadańnia na kavavaj huščy: admieniać ci nie?

Nie. Abodva baki vyrašyli, što treba hulać. Navat ciepłalubivamu ispanskamu Siesaru Fiernandesu daviałosia z hetym źmirycca. Hulać dyk hulać.

Jak tolki trapiŭ na zaśniežany stadyjon, to ŭzhadałasia ŭłasnaje dziacinstva, kali ŭ takija samyja marazy hulali ŭ chakiej na miascovaj sažałcy. I tak razdurchvalisia matčach tych bitvaŭ, što pra maroz zabyvałasia ŭščent. Było až horača.

Voś tolki varatary, kab zusim nie akaleć byli vymušanyja abuvać valonki. Hałkipieru BATE Hutaru naŭrad ci b dazvolili vyjści na pole ŭ takim abutku. Hulaŭ jon u zvyčajnych bucach, ale niejkaja niervovaść praślizhvała ŭ jahonych dziejańniach. A potym hetaja niaŭpeŭnienaść pieradałasia ŭsim futbalistam BATE.

Hančarenka abraŭ na hulniu abarončy styl. U asnoŭnym składzie apynułasia piać naminalnych abaroncaŭ i jašče dva aporniki. Niezrazumieła, čamu ŭ zapasie apynuŭsia Renan Bresan.

Na vastryni ataki Radzivonavu tak tołkam i nie atrymlivałasia začapicca za miač. Časta jon lez u niepatrebnyja sprečki, parušaŭ praviły.

Nie šukaju apraŭdańniaŭ, ale zrazumieć BATE možna. Znajści matyvacyju na hulniu im było ciažka. Chłopcy praviali składany siezon, u jaki źmiaściłasia bolš za paŭsotniu matčaŭ. Jany vyjhrali čempijanat prabilisia ŭ nastupny raŭnd Lihi Jeŭropy. Ciapier im chočacca prosta adpačnuć,

a zamiest hetaha davodzicca hulać na zamierzłym «Dynama» z kijaŭlanami. Moža mienavita ad taho taki rassłabon.

A voś «Dynama» treba było vyjhravać. Jany i nastrojvalisia na pieramohu.

Pieršy raz čyrvony miač apynuŭsia ŭ našaj sietcy na 16-aj chvilinie, kali Ohnien Vukojevič padpilnavaŭ adskok miača paśla štrafnoha. U hetym rozyhryšy Lihi Jeŭropy BATE jašče nikoli nie była ŭ skury kamandy, što adyhryvajecca.

Za dźvie chviliny da pierapynku Mileŭski — Jaromienka — Jarmolenka skančvajecca hołam apošianaha. BATE tołkam tak ničoha i nie stvaryŭ u tajmie pieršym.

U pačatku tajma druhoha Maks Bardačoŭ nie dahnaŭ Aleha Husieva. Parušyŭ na im praviły ŭ štrafnoj. Sam paciarpieły realizavaŭ pienalci.

Na hetym užo stała jasna — BATE nie adyhracca. Kamandy dziejničali na sustrečnych atakach.

U adnoj ź jakich eks-biełarus Mileŭski zrabiŭ lik užo zusim nieprystojnym.

Heta mienavita Mileŭskaha amal uvieś matč abśvistvała pałova stadyjona, zvykła hukajučy: «Mileŭski — pios».

Pašu Niachajčyku ŭsio ž atrymałasia razmačyć Šaŭkoŭskaha — 1:4. Kijaŭlanie śledam za barysaŭcam taksama zabiaśpiečyli sabie vychad z hrupy.

Zrešty, aśmielusia skazać, što nie «Dynama» byli hałoŭnymi hierojami hetaha viečara, a tyja zaŭziatary (i žoŭta-sinija, i bieła-błakitnyja), što pryjšli na stadyjonie i vytrymali na hetym choładzie ŭsie dzievianosta chvilin. Zdymaju pierad vami kapialuš. Navat tradycyjna zapoŭnienaja łoža presy była na hety raz paŭpustoj.

Pryjemna ŭraziła, što trenier «Dynama» Aleh Łužny paśla hulni na pres-kanfierencyi havaryŭ pa-ŭkrainsku. Nu, a Viktar Hančarenka parazie mocna nie rasstroiŭsia.

Na nastupnym tydni BATE lacić u Rym, kab rychtavacca da hulni z hałandskim AZ.

Źmicier Pankaviec

***

Hulnia prajšła ŭ Minsku na stadyjonie «Dynama». Tempieratura pavietra ŭ stalicy Biełarusi składała minus 13 hradusaŭ.

BATE: Hutar, Lichtarovič (k), Sasnoŭski (Bresan, 46), Šytaŭ, Jurevič, Vaładźko (Alachnovič, 78), Niachajčyk, Radźkoŭ, Bardačoŭ, Radzivonaŭ, D.Baha (Skavyš, 68).

Siońniašniaja paraza — treciaje zapar paražeńnie biełaruskaha kłuba. 21 listapada BATE prajhraŭ u apošnim tury čempijanatu Biełarusi (užo ŭ ramkach uładalnikaŭ załatych miedaloŭ) salihorskamu «Šachcioru» 1:2, a 28 listapada — u Kubku Biełarusi ŭ Barysavie bresckamu «Dynama» — 0:1.

U matčy «Šeryf» (Ciraspal) — AZ (Ałkmaar) była zafiksavana ničyja 1:1 (Ruamba, 54 — Chołmen, 17-ja).

Paśla 5 turaŭ: Dynama — 10 punktaŭ (3 pieramohi, 1 ničyja, 1 paraza, roźnica miačoŭ 10–6), BATE — 10 (3, 1, 1, 11–8), AZ — 4 (1, 1,3, 5–10), Šeryf — 4 (1, 1, 3, 5–7).

«Dynama» i AZ znachodziacca vyšej za BATE i «Šeryf», adpaviedna, za košt sustrečaŭ mižsobku.

Snajpiery: Mileŭski (Dynama) — 5, Radzivonaŭ (BATE) — 3, Bresan (BATE), Jarochin (Šeryf), Jaromienka (Dynama) — pa 2.

U 1/16 finału daterminova vyjšli «Dynama» i jašče raniej BATE.

Kamanda, što zojmie 1-je miesca ŭ hrupie (BATE treba ŭ haściach vyjhravać 15 śniežnia ŭ AZ i spadziavacca na asiečku «Dynama» u matčy z «Šeryfam» u Kijevie), atrymaje vyhody pry losavańni stadyi plej-of 17 śniežnia.

Aleh Hardzijenka

fota Alesia Pileckaha

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH