U Biełarusi siaredniaja zarabotnaja płata žančyn składaje prykładna 80% siaredniaj zarabotnaj płaty mužčyn.
Pra heta paviedamiŭ namieśnik ministra pracy i sacyjalnaj abarony Ihar Staravojtaŭ 2 śniežnia ŭ Minsku na mižnarodnaj kanfierencyi «Pravy žančyn i zbałansavanaja palityka ŭ śfiery siamji, zaniataści i hiendarnaj roŭnaści: realnaść i pierśpiektyvy».
Pavodle słoŭ Staravojtava, heta źviazana z tym, što, majučy bolš vysoki ŭzrovień adukacyi, žančyny realizujuć jaho ŭ prafiesijach i halinach vytvorčaści, dzie mienš płaciać.
Siarod zaniatych u ekanomicy dola pracoŭnych žančyn z vyšejšaj adukacyjaj składaje 26,9%,
u toj čas jak anałahičny pakazčyk siarod mužčyn — 20,2%. Dola žančyn ź siaredniaj śpiecyjalnaj adukacyjaj dasiahaje 27,7%, mužčyn — 16,9%. Nie majuć poŭnaj siaredniaj adukacyi 2,4% žančyn i 4,6% mužčyn.
Staravojtaŭ kanstatavaŭ «jaŭnuju pieravahu žančyn u nievytvorčych halinach i niaznačnaje pryciahnieńnie ich da ŭdziełu ŭ halinach materyjalnaj vytvorčaści». Adnosna nizkim zastajecca ŭdzieł žančyn u śfiery biźniesu i pradprymalnictva.
Žančyny sutykajucca z bolš surjoznymi prablemami ŭ pracaŭładkavańni, zaznačyŭ namieśnik ministra.
Kali biespracoŭnyja mužčyny znachodziać novuju pracu ŭ siarednim na praciahu 1,3 miesiaca, to ŭ žančyn hety pieryjad składaje pryblizna 2,5 miesiaca.
U vyniku žančyny majuć bolš praciahły pieryjad biespracoŭja — 4,8 miesiaca suprać 3,4 miesiaca ŭ mužčyn. Siarod biespracoŭnych, jakija znachodziacca na ŭliku ŭ słužbach zaniataści bolš za adzin hod, 66,6% — žančyny. «Bolš praciahły pošuk pracy — adzin z aśpiektaŭ uraźlivaści pazicyi žančyn na rynku pracy», — skazaŭ Staravojtaŭ.
U najbolš ciažkim stanoviščy na rynku pracy akazvajucca žančyny, jakija vychoŭvajuć małych dziaciej, vypusknicy navučalnych ustanoŭ biez vopytu pracy, žančyny pieradpiensijnaha ŭzrostu, invalidy, a taksama tyja, chto maje prafiesii, pa jakich pieravaha addajecca mužčynam (
