Rašeńniem harvykankama padčas vybarčaj kampanii va ŭsich padziemnych pierachodach Minsku zabaroniena pravodzić pikiety. Dla kandydataŭ u prezidenty heta stała niečakanaściu.
Asabliva z ulikam taho, što padčas zboru podpisaŭ stavić u pierachodach pikiety nichto nie zabaraniaŭ. Ale staršynia Centravybarkamu Lidzija Jarmošyna ličyć, što z puktu hledžańnia biaśpieki hramadzian hetaje rašeńnie pravilnaje.
«Jaho rašeńnie (Minharvykankama) prymałasia dla masavych mierapryjemstvaŭ, dla mitynhaŭ. A dla mitynhaŭ padziemnyja pierachody nie padychodziać. Voś zbor podpisaŭ — jon tolki ŭ vyhladzie pikietu adbyvajecca, a nie ŭ vyhladzie mitynhu. Tamu heta było dazvolena. Što ž tyčycca masavych mierapryjemstvaŭ, to jany pravodziacca ŭ vyhladzie sustreč z vybarščykami. Heta moža być i mitynh — zaležyć ad taho, jak pojdzie, kolki ludziej pryjdzie. I ŭ hetych umovach Minharvykankam nie maje prava ryzykavać».
U aŭtorak 30 listapada Alaksiej Janukievič, kiraŭnik vybarčaha štaba kandydata ŭ prezidenty Ryhora Kastusiova, nakiravaŭ u CVK i Minharvykankam list. Jon prasiŭ pierahledzieć rašeńnie ab zabaronie mitynhaŭ u padziemnych pierachodach. Ale, pa słovach Jarmošynaj, niešta źmianić i niejak paŭpłyvać na Minharvykankam u hetym sensie jany nie zmohuć. I nie ličać patrebnym.