U vyniku vybuchu bałona z hazam byŭ mocna paškodžany padjezd šmatkvaternaha domu.
Kala 11 hadzin 1 śniežnia ŭ padjeździe žyłoha doma 49 pa vulicy Uljanaŭskaj santechniki pravodzili ŭstanoŭku ličylnikaŭ vady. Adnak padčas prac niešta pajšło nie tak, jak było zapłanavana i ŭ vyniku bałon z hazam uzarvaŭsia. Pavodle papiaredniaj infarmacyi, achviaraŭ niama.
Adna žančyna nakiravanaja ŭ špital z askiepkavymi ranieńniami. Ab hetym paviedamiŭ
Čytač «NN» z Babrujska, Aleś Čyhir, raspavioŭ, što padjezd, u jakim adbyŭsia vybuch, vyhladaje całkam razburanym. Vidavočcy zdareńnia śćviardžajuć, što vybuch byŭ vielmi mocnym — vybuchovaja chvala raskidała aŭtamabili, jakija stajali pobač z padjezdam. Žycharoŭ kvater pieršych dvuch padjezdaŭ vyratavała tolki toje, što ŭ momant vybuchu jany adsutničali.
Babrujčanin Jaŭhien Ziankovič, jaki pabyvaŭ na miescy zdareńnia, raspavioŭ karespandentu "NN" ab pabačanym: "U kvaterach pieršych pavierchaŭ pavynosiła dźviery. Lift padjezda zahnała ŭ ziamlu, a dźviery šachty lifta vybuchovaj chvalaj pavynosiła ažno da dzieviataha pavierchu. Lift susiedniaha padjezdu taksama nie pracuje. Supracoŭniki MNS, što prybyli na miesca vybuchu, evakujavali z doma bolš za sto čałaviek, adnak jany chutka spravilisia ź nievialikim pažaram i ludzi viarnulisia ŭ kvatery."