Kandydat u prezidenty Dźmitryj Us paviedamiŭ, što kali byŭ deputatam Minskaha harsavieta, jaho atrucili.
Dźmitryj Us, fota Uładzia Hrydzina.
«Heta było ŭ 2004 hodzie. Ja lažaŭ u špitali №2.Lekary-aniestezijołahi zrabili pieradaziroŭku. Ja byŭ u komie. Maju pieršuju žonku taksama atrucili ŭ hetym špitali, jana pamierła.
Maje kalehi kažuć, što takim čynam byli pahrozy z boku ŭładaŭ, kab ja admoviŭsia ad palityčnaj dziejnaści i nie išoŭ ni ŭ deputaty, ni ŭ prezidenty», — skazaŭ Dźmitryj Us.
Tak spadar Us prakamientavaŭ vykazvańni pra toje, što «z im niejkaja ciomnaja historyja z atrutaju była, tydzień lažaŭ u komie, jon invalid».
Kamientujučy vystup pa telebačańni, jaki ciahnuŭsia siem chvilinaŭ, čytač Valery vykazaŭ dumku, što Usu «dali niešta vypić u studyi, i jon pačaŭ siabie drenna adčuvać».
Na heta spadar Us skazaŭ, što ŭ studyi nasamreč stajała niejkaja vada, i paśla taho, jak jon jaje papiŭ, to adčuŭ siabie «niejak inačaj».
Nastupny televystup Dźmitryja Usa adbudziecca 30 listapada.
0
0
0
0
0
0
