Uvieś pakiet akcyj AAT «Biełaruśkalij» acenieny ŭ 30 młrd. dalaraŭ ZŠA, paviedamiŭ 24 listapada žurnalistam staršynia Dziaržaŭnaha kamiteta pa majomaści Hieorhij Kuźniacoŭ.
Pavodle jaho słoŭ, acenku praviało RUP «Instytut nieruchomaści i acenki». Kuźniacoŭ zajaviŭ, što pytańnie z prodažam akcyj «Biełaruśkalija» «pakul zavisła».
«Napeŭna, kitajcy dumajuć. My skazali im pra košt i našy ŭmovy.Jany dumajuć, ci prymalnyja hetyja ŭmovy dla ich» , — skazaŭ kiraŭnik dziaržkamiteta.
Kuźniacoŭ taksama paviedamiŭ, što padčas vizitu Alaksandra Łukašenki ŭ Kitaj u kastryčniku
«heta pytańnie asabliva nie abmiarkoŭvałasia».
Nahadajem, u žniŭni respublikanskaje ŭnitarnaje pradpryjemstva «VA «Biełaruśkalij» było pieratvorana ŭ AAT, 100% akcyj jakoha naležać dziaržavie.
***
«Biełaruśkalij» byŭ uklučany ŭ płan pryvatyzacyi na 2010 hod. Jak zajaviŭ žurnalistam 4 žniŭnia pieršy
Pavodle słoŭ Siamaški, jość šmat achvotnych kupić «Biełaruśkalij». Ale «ciapier nie samy ŭdały momant dla prodažu», ličyć pieršy
Raniej, u červieni 2010 hoda, Siamaška zajaŭlaŭ pra hatoŭnaść Biełarusi pradać prykładna 20% akcyj «Biełaruśkalija» za 6–7 młrd. dalaraŭ ZŠA.
4 maja 2010 hoda Alaksandr Łukašenka ŭ interv`iu ahienctvu Rejter zajaviŭ, što nie vyklučaje mahčymaści prodažu «Biełaruśkalija».
«Kali budzie dobraja cana za akcyi, my pahladzim, kolki pracentaŭ akcyj pradać. Ale kantrolny pakiet pakul zastaniecca ŭ Biełarusi», — zajaviŭ prezident.
***
«Biełaruśkalij» — adzin z najbujniejšych u śviecie i samy bujny ŭ SND vytvorca i pastaŭščykkalijnych minieralnych uhnajeńniaŭ, adno ź viadučych pradpryjemstvaŭ — eksparcioraŭ krainy. Raźmieščana ŭ Salihorsku (Minskaja vobłaść). U skład VA ciapier uvachodziać čatyry rudaŭpraŭleńni. Ahulnaja kolkaść rabotnikaŭ — kala 20 tysiač. «Biełaruśkalij» vypuskaje kožnuju šostuju tonu kalijnych uhnajeńniaŭ u śviecie. Sumiesna z AAT «Urałkalij» ź`iaŭlajecca zasnavalnikam ZAT «Biełaruskaja kalijnaja kampanija» — adnaho z najbujniejšych pastaŭščykoŭ kalijnych uhnajeńniaŭ.