Biełaruś pieraniesła pačatak raźmiaščeńnia ŭ Rasii pieršaha tranšu rublovych dziaržablihacyj na 7 młrd. rasijskich rubloŭ z raniej zapłanavanaj daty 25 listapada na niapeŭny termin, paviedamlaje RIA Novosti.
Ministerstva finansaŭ Biełarusi pakul nie kamientuje pryčyny pieranosu.
Jak paviedamlałasia raniej, Biełaruś płanuje raźmiaścić u Rasii vypusk dvuchhadovych rublovych jeŭrabondaŭ u abjomie da 15 młrd. rasijskich rubloŭ.
Kniha zajavak na pieršy tranš vypusku na 7 młrd. rasijskich rubloŭ była adkryta 10 listapada. Jak adznačaŭ pieršy namieśnik ministra finansaŭ Biełarusi Uładzimir Amaryn, u vypadku paśpiachovaha raźmiaščeńnia pieršaha tranšu Minsk moža da kanca hoda raźmiaścić u Rasii druhi tranš hetaha vypusku na 8 młrd. rubloŭ.
Pavodle zakanadaŭstva Biełarusi vypusk ablihacyj zarehistravany 22 kastryčnika 2010 hoda. Inviestaram płanujecca prapanavać 7 młn. štuk kaštoŭnych papier naminałam 1 tysiača rubloŭ.
Fiederalnaja słužba pa finansavych rynkach Rasii 9 listapada zarehistravała praśpiekt i dapuściła da publičnaha raźmiaščeńnia i abaračeńnia ŭ RF niekanviersoŭnyja pracentnyja dakumientarnyja dziaržaŭnyja ablihacyi Biełarusi pieršaj i druhoj sieryj, jakija płanujecca raźmiaścić na MMVB pa adkrytaj padpiscy.
Takim čynam, zamiežny emitent, jaki nie źjaŭlajecca mižnarodnaj finansavaj arhanizacyjaj, upieršyniu ŭ historyi rasijskaha finansavaha rynku atrymaŭ dazvoł na publičnaje raźmiaščeńnie i publičnaje abaračeńnie vypuščanych im kaštoŭnych papier u Rasii.
Arhanizataram vypuskaŭ ablihacyj vystupaje Aščadny bank Rasii.
