Na mabilny i chatni telefony kandydata ŭ prezidenty abrynuŭsia škvał zvankoŭ.
Jak vyśvietliłasia, numary telefonaŭ Andreja Sańnikava byli raźmieščanyja nieviadomymi na biełaruskich i rasijskich sajtach, jakija śpiecyjalizujucca na prodažy aŭtamabilaŭ. Palityku daviałosia adklučyć chatni telefon.
«Pieršaja abjava ŭ internecie z ukazańniem marki mašyny, jakaja naležyć majoj žoncy, źjaviłasia adrazu ž paśla padačy mnoju ŭ CVK dekłaracyi pra dachody, da publikacyi hetaj infarmacyi ŭ presie. Možna nahadać pra takoje ž „supadzieńnie“ — dziŭnyja zvanki pa telefonach siabraŭ majoj inicyjatyŭnaj hrupy adrazu paśla taho, jak my padali hety śpis u CVK. Ja zachoŭvaju skrynšoty i numary abjavaŭ i źbirajusia padavać zajavu ŭ milicyju, kab jany zanialisia pošukam nieviadomych asobaŭ, jakija hetym zajmajucca. Vyvieści z raŭnavahi nas nie atrymajecca. My pryvykli da chamskich napadak z boku ŭładaŭ i ŭpeŭnienyja, što nikomu, akramia ŭładaŭ, heta nie było patrebna», — zajaviŭ Andrej Sańnikaŭ.
