Da kanca 2013 hoda ŭ Minsku płanujecca pabudavać 20 hatelaŭ 1

Da kanca 2013 hoda ŭ Minsku płanujecca pabudavać pryblizna 20 novych hatelaŭ ad troch da piaci zorak, raźličanych u cełym na 5.500 pastajalcaŭ.

Pra heta paviedamiŭ 17 listapada na pres-kanfierencyi namieśnik staršyni Minharvykankama Uładzimir Kałtovič.

Aprača taho, pavodle jaho słoŭ, u miežach padrychtoŭki da čempijanatu śvietu pa chakiei 2014 hoda viadziecca rekanstrukcyja dvuch hatelaŭ. Tak, na bazie hatela «Kastryčnicki» ŭ 2012 hodzie ź`iavicca piacizorkavy «Prezident-hatel», a ŭ 2011 hodzie pačniecca rekanstrukcyja hatela «Biełaruś».

Kałtovič taksama paviedamiŭ, što zaviaršajecca raspracoŭka kancepcyi raźvićcia hatelnaj haspadarki stalicy, jakaja praduhledžvaje ŭ tym liku budaŭnictva mini-hatelaŭ i apart-hatelaŭ. Apošnija stvarajucca pa pryncypie apartamientaŭ, prapanoŭvajučy kvatery, jakija poŭnaściu padychodziać dla žyćcia.

Siońnia ŭ Minsku pracujuć 11 hatelaŭ ad dźviuch da piaci zorak, raźličanych na 1.600 miescaŭ.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH