U «Minsk-Arenie» siońnia projduć indyvidualnyja repietycyi ŭdzielnikaŭ «Jeŭrabačańnia»

16 listapada ŭ «Minsk-Arenie» adbuducca indyvidualnyja repietycyi ŭdzielnikaŭ dziciačaha «Jeŭrabačańnia-2010».

Jak paviedamiła pijar-mieniedžar dziciačaha «Jeŭrabačańnia» Volha Sałamacha, repietycyi projduć u toj čarhovaści, u jakoj kožny kankursant budzie vychodzić na scenu ŭ finalnym šou.

Płanujecca, što kožnaja repietycyja budzie doŭžycca 35 chvilin.

Nahadajem, u dziciačym «Jeŭrabačańni-2010» biaruć udzieł 14 kankursantaŭ — ź Litvy, Małdovy, Niderłandaŭ, Sierbii, Ukrainy, Šviecyi, Rasii, Łatvii, Bielhii, Armienii, Malty, Biełarusi, Hruzii i Makiedonii. Biełaruski ŭdzielnik Daniił Kazłoŭ vystupić pad 12-m numaram.

Napiaredadni ŭ «Jeŭradomie», jaki raźmiaściŭsia ŭ Pałacy Respubliki, prajšło adkryćcio «Jeŭrabačańnia».

Padčas viečaryny pieramožcy konkursu minułych hadoŭ prezientavali svaje kampazicyi, junyja kankursanty atrymali mahčymaść paznajomicca i parazmaŭlać. Siońnia ŭ «Jeŭradomie» ŭdzielnikaŭ konkursu čakaje viečarynka i dziciačaja dyskateka.

Jak paviedamiła Sałamacha, finał konkursu, što projdzie 20 listapada, adkryje duet pieramožcaŭ dziciačaha «Jeŭrabačańnia» Ksienii Sitnik i Alaksieja Žyhałkoviča, a nie duet Sitnik i pieramožca «Jeŭrabačańnia-2009» Alaksandra Rybaka, jak płanavałasia raniej. Razam z tym čakajecca, što Rybak vystupić na finalnym šou z ułasnaj kampazicyjaj.

Biełaruskija vykanaŭcy biaruć udzieł u dziciačym «Jeŭrabačańni» z 2003 hoda. Za hety čas Biełaruś dvojčy stanaviłasia pieramožnicaj konkursu.

0

0

0

0

0

0

Taćciana Daraščonak, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH