U Nacyjanalnym histaryčnym muziei ŭ Minsku (vuł. K. Marksa, 12) 2 śniežnia adbudziecca prezientacyja ŭnikalnaj maniety časoŭ vialikaha kniazia Vialikaha Kniastva Litoŭskaha Vitaŭta i Hrunvaldskaj bitvy.
Pavodle słovaŭ dyrektara muzieja Siarhieja Viečara, siarebranaja manieta niapravilnaj formy, blizkaj da kruha, vartaściu ŭ pieniaź (denaryj) vyrablena mietadam ručnoj čakanki prykładna ŭ 1380–1400 hadach u Navahrudku (ciapier Hrodzienskaja vobłaść) i znojdziena ŭ Navahrudskim rajonie.
Dla hetaj maniety, jakaja dobra zachavałasia i była nabyta sioleta dla muzieja jaho sponsaram, zroblena admysłovaja vitryna, skazaŭ Viečar.
Siońnia ŭ śviecie viadomy dźvie takija maniety, pryčym druhaja znojdziena ŭ Litvie, na terytoryi Vilenskaha zamka.
Siarod inšych zapłanavanych u muziei vystaŭ Viečar nazvaŭ «Adnoŭlenyja imhnieńni. Jaŭrei ŭ Biełarusi ŭ XIX — pačatku XX stahodździaŭ» (30 listapada) i pieradnavahodni pakaz uzoraŭ sučasnaj biełaruskaj mody (10 śniežnia).
0
0
0
0
0
0
