Lidar apazicyjnaj partyi Polščy «Zakon i spraviadlivaść» Jarasłaŭ Kačynski vyjšaŭ sa składu Rady biaśpieki krainy na znak pratestu suprać palityki dziejnaha ŭrada. Pra heta piša Warsaw Business Journal.
U liście, u jakim tłumačycca rašeńnie ab vychadzie z Rady biaśpieki, Kačynski raskrytykavaŭ padpisanaje z Rasijaj pahadnieńnie pa hazie, padtrymku ŭradam Polščy Lisabonskaj damovy i padychod uładaŭ da rasśledavańnia katastrofyTu-154 Lecha Kačynskaha pad Smalenskam.
Rasija i Polšča padpisali pahadnieńnie ab pavieličeńni pastavak rasijskaha hazu, ale źnižku na dadatkovyja abjomy, na jakoj nastojvaŭ polski bok, «Hazpram» joj nie daść: padpisanyja ŭ piatnicu dakumienty praduhledžvajuć zachavańnie staroj cany.
«Hazpram» pavialičvaje štohadovyja abjomy pastavak na 2 młrd kubamietraŭ. Dziejańnie damovy praciahniecca da 2022. Takim čynam, Polšča budzie atrymlivać kala 10,5 młrd kubamietraŭ rasijskaha hazu.
0
0
0
0
0
0