Trus smažany
500 h miasa trusa, 50 h sała abo śvinoj hrudzinki, 1–2 st. łyžki śmiatany, 1 st. łyžka śmietankovaha marharynu, sol pa smaku.
Zadnija nožki trusa našpihavać śvinym sałam abo śvinoj vendžanaj hrudzinkaj, pasalić, zmazać śmiatanaj, piačy na blasie abo ŭ husiatnicy ŭ duchoŭcy da hatoŭnaści.
Padavać možna z močanymi bruśnicami, smažanaj bulbaj, bruselskaj kapustaj, rajskimi jabłyčkami, skrylikami limona, zielaninaj.
Tušanyja trubački ź miasa trusa
1 trus, sol, čorny i čyrvony mołaty pierac, 200 h varanaj kaŭbasy, 1 krutoje jajka, 100 h syru, 60 h masła abo marharynu, 1,5–2 šklanki bulonu, vostryja prypravy, 1 st. łyžka muki, 2–3 st. łyžki śmiatany, sol, čorny i čyrvony mołaty pierac, krop abo zielanina piatruški, listočki maciarduški, majaranu, miaty i h.d. da hustu.
Trusa razrezać na vialikija kavałki (piarednija nožki, zadnija nožki, 2–4 častki tuški), kości vydalić. Va ŭtvoranyja adtuliny nasypać soli i piercu i pakłaści narezanyja sałomkaj abo kubikami kaŭbasu, jajka i syr. Kavałkam prydać formu trubačak, pieraviazać špahatam abo zamacavać vostrymi draŭlanymi pałačkami, pakłaści ŭ nizkuju kastrulu razrezanym bokam dahary. Nalić bulon i pakłaści kavałački masła, dla smaku pakłaści listočki maciarduški, majaranu, miaty i h.d. Tušyć pad nakryŭkaj na słabym ahni da poŭnaj hatoŭnaści. Padać z pasiečanaj zielaninaj kropu abo piatruški.
NB
