9 listapada ŭ dackim Olbarhu prajšło losavańnie finalnaj stadyi futbolnaha moładzievaha čempijanatu Jeŭropy, što projdzie ŭ červieni 2011 hoda ŭ Danii.
Hałoŭny pryz moładzievaha čempijanatu, uefa.com
Zbornaja Biełarusi (hałoŭny trenier — Hieorhij Kandraćjeŭ) trapiła ŭ hrupu «A» razam z kamandaj haspadyniaj turniru Danijaj, a taksama kamandami Isłandyi i Šviejcaryi.
U hrupie «V» zhulajuć Čechija, Ukraina, Ispanija i Anhlija.
11 červienia Biełaruś zhulaje ź Isłandyjaj, 14-ha - z Danijaj, 18-ha -- sa Šviejcaryjaj.
U paŭfinał vychodziać pa dźvie zbornyja z hrupy. Finał projdzie 25 červienia ŭ Orchusie.
Taksama na čempijanacie buduć razyhryvacca try pucioŭki na Alimpijadu ŭ Łondanie.
***
Čempijanat Jeŭropy siarod moładzi projdzie z 11 pa 25 červienia 2011 h. ŭ Danii (harady Vibarh, Olbarh, Chierninh i Orchus). Zbornaja Biełarusi budzie hulać u Orchusie.
Zbornaja Biełarusi voźmie ŭdzieł u im treci raz. U 2004 h. družyna brała ŭdzieł u kantynientalnym pieršynstvie, što prajšło ŭ Niamieččynie (hał. trenier — Jury Puntus), a ŭ 2009 h. — u Šviecyi (hał. trenier — Jury Kurnienin). Abodva razy kamanda nie zdoleła vyjści z hrupy.
Nahadajem, što Biełaruś vyjšła ŭ finalnuju stadyju čempijanatu Jeŭropy, vyjhraŭšy pa sumie dvuch matčaŭ u
