Ab`iom rehistracyi novych zamiežnych lehkavych aŭtamabilaŭ u 2010 hodzie ŭ Biełarusi składzie ŭsiaho 10–11 tysiač mašyn, što, jak miarkujecca, budzie nižnim punktam padzieńnia.
Da takoj vysnovy pryjšli analityki mižnarodnaha aŭtamabilnaha chołdynhu
Pavodle mierkavańnia dyrektara Adździaleńnia stratehičnaha raźvićcia chołdynhu
Ekśpiert adznačyŭ, što raźvićcio cyvilizavanaha aŭtarynku ŭ Biełarusi budzie poŭnaściu vyznačacca terminami i realnymi zachadami pa farmiravańni Mytnaha sajuza, a zatym i Adzinaj ekanamičnaj prastory Rasii, Biełarusi i Kazachstana. U vypadku zachavańnia ŭ Biełarusi roźnicy ŭ pošlinach nie na karyść jurydyčnych asob rynak novych aŭtamabilaŭ budzie i dalej stahnavać,
a ŭ ab`iomie impartu aŭtamabilaŭ pieravažnaja bolšaść (bolš jak 90%) buduć składać užyvanyja mašyny.
Akramia taho, adznačyŭ ekśpiert, navat sa ścipłaha ab`iomu novych aŭtamabilaŭ značnaja častka budzie nabyvacca fizičnymi asobami na rynkach susiednich krain (u Polščy, Litvie i inšych) i ŭvozicca ŭ Biełaruś pa lhotnych impartnych pošlinach, faktyčna papaŭniajučy padatkami biudžety inšych dziaržaŭ.
Pavodle mierkavańnia analitykaŭ chołdynhu,
zusim inšy scenaryj čakaje biełaruski aŭtarynak u tym vypadku, kali ŭsie dasiahnutyja miždziaržaŭnyja damoŭlenaści buduć vykonvacca.
Heta aznačaje, što z 1 lipienia 2011 hoda pošliny dla fizičnych asob u Biełarusi pavinny być pavyšanyja da rasijskaha ŭzroŭniu, a z 1 studzienia 2013 hoda (paśla paŭtarahadovaha «karancinu» dla mašyn, uviezienych fizičnymi asobami Biełarusi pa nizkich staŭkach) mytnaje afarmleńnie mašyn, jakija pieramiaščajucca pamiž Rasijaj i Biełaruśsiu, budzie poŭnaściu spyniena. U vyniku budzie sfarmiravany praktyčna ahulny aŭtamabilny rynak u Mytnym sajuzie, jaki dziejničaje pa adzinych praviłach hulni, ličać u
Jak miarkujuć analityki chołdynhu, struktura biełaruskaha aŭtarynku, pačynajučy ź siaredziny 2011 hoda, pačnie chutka zrušvacca ŭ bok rasijskaj — źnižeńnie impartu ŭžyvanych aŭtamabilaŭ, rost uvozu novych aŭtamabilaŭ, u tym liku inšamarak rasijskaj zborki. Rynak Biełarusi, jaki ciapier znachodzicca značna nižej za svoj patencyjał, budzie demanstravać vysokija tempy rostu. Z časam mahčymy prytok zamiežnych inviestycyj, najpierš z Rasii — naprykład, budaŭnictva dylerskich centraŭ u Minsku bujnymi rasijskimi aŭtamabilnymi chołdynhami.
Nahadajem, što ŭ vyniku ŭstupleńnia Biełarusi ŭ Mytny sajuz staŭki mytnych pošlin na ŭvaznyja aŭtamabili dla jurydyčnych asob zraŭnialisia z rasijskimi. Pry hetym staŭki takich pošlin dla fizičnych asob pakul zastalisia raniejšymi.
