Mižnarodny kinaforum adkryŭsia 5 listapada ŭ Minsku.
Epatažnaja Eleanora Jezierskaja.
Były ministr kultury Rasii i ministr kultury Biełarusi Michaił Švydkoj i Pavieł Łatuška.
Andrej Kurejčyk.
Mikałaj Čarhiniec.
Andrej Kudzinienka ŭ cišotcy z "Masakraj".
Alena Drapieka (źleva). A Alaksandr Stryženaŭ (sprava) pryjechaŭ u Minsk nie z žonkaj, a z efiektnaj błandzinkaj.
Vachtanh Kikabidze.
Raścisłaŭ Jankoŭski pieradaŭ kiraŭnictva fiestyvalem Hienadziu Davydźku.
Alaksandr Jafremaŭ (sprava) z žonkaj Valeryjej Arłanavaj (u centry).
Natalla Bandarčuk (źleva)
Jašče da 18 hadzin, kali byŭ pryznačany prachod ajčynnych i zamiežnych kinošnikaŭ pa čyrvonaj darožcy, cikaŭnyja ŭžo stajali i čakali kala Pałaca Respubliki.
Žyvaja muzyka: vajskovy arkiestr, dziaŭčaty-barabanščycy.
Ale nichto nie źjaŭlaŭsia ni praź dziesiać, ni praz dvaccać chvilin. Žurnalistka BT padychodziła da ludziej i prasiła ich zaplaskać. «A ciapier my sustrakajem akciora Bahdana Stupku». Apieratar u hety čas zdymaŭ natoŭp. Ludziam takaja zabava nie spadabałasia. Dy i žurnalistka, pasprabavaŭšy mistyfikacyju raz-druhi, supakoiłasia.
A ŭsie ŭžo zamiarzali. I kali zahučaŭ raskacisty hołas: «My vitajem haściej siamnaccataha mižnarodnaha kinafiestyvalu «Listapad», pačali pilna ŭziracca ŭ ciemru, ź jakoj čakali vychadu zorki. Prajšła žančyna, za joj — sastareły mužčyna. Tyja, chto pačaŭ plaskać u dałoni, adrazu pierastali. «Chto heta byli?»— pieramaŭlalisia pamiž saboj. Adkazu nie było. Dziŭna było hladzieć na «zorak», jakich navat arhanizatary nie viedali ŭ tvar. Akciory išli z pafasam pa čyrvonaj darožcy, ale ludzi nie mahli pryvitać ich, bo nikoha prosta nie paznavali.
Zatoje, kali źjaviłasia biełaruskaja teležurnalistka i kiraŭnica ŭpraŭleńnia infarmacyi MUS Śviatłana Baroŭskaja, ab hetym pačuli ŭsie. Dy i astatnich ajčynnych kinošnikaŭ nazyvali pajmienna. Alaksandr Jafremaŭ, Andrej Kudzinienka, Alaksandr Kołbyšaŭ, Andrej Kurejčyk…
Vialikuju ŭvahu z boku hledačoŭ i žurnalistaŭ vyklikaŭ rasiejski akcior Alaksandr Stryženaŭ.
Siarod inšych zamiežnych haściej — Nani Brehvadze, Vachtanh Kikabidze, Natalla Bandarčuk. Ale abiacanych akcioraŭ bolš jak ź piacidziesiaci krainaŭ nie było.
Čakanaja Arneła Muci pa čyrvonaj darožcy tak i nie prajšła, ale ŭdzieł u adkryćci kinaforumu ŭziała.
Nie pryjechaŭ na adkryćcio Emir Kusturyca. Ale na nastupnym tydni ŭ bałkanskaha režysiora zapłanavanyja dva majstar-kłasy ź biełaruskimi studentami.
Kinafiestyval u Minsku praciahniecca da 12 listapada. U jaho miežach projduć čatyry konkursy: asnoŭny mastackaha kino, maładoha kino, niemastackich filmaŭ, maładoha niemastackaha kino, a taksama fiestyval dziciačaha i padletkavaha kino «Listapadzik».
Padrabiaźniej z prahramaj kinafiestyvalu možna paznajomicca tut.