Luby nacisk na Biełaruś, jak z Uschodu, tak i z Zachadu, budzie absalutna kontrpraduktyŭnym. Pra heta zajaviŭ kiraŭnik Administracyi prezidenta Uładzimir Makiej, vystupajučy 3 listapada na adkryćci XIII Minskaha forumu.
Makiej padkreśliŭ, što Biełaruś pradoŭžyć šlach pa demakratyzacyi i praviadzieńni reformaŭ.
«Ale pryjarytetnaść zadač biełaruski narod budzie vyznačać samastojna. Vyklikaje škadavańnie, što ŭ adnosinach ź Biełaruśsiu ŭ Jeŭrasajuzie jašče nie da kanca pazbavilisia ad zakaruzłych elemientaŭ myśleńnia, zasnavanych na izalacyi, sankcyjach i navat revalucyjach», — skazaŭ kiraŭnik Administracyi prezidenta.
Biełaruś, praciahnuŭ Makiej,
časta paprakajuć u tym, što jana «niedastatkova demakratyčnaja i namieciŭsia rehres u adnosinach ź Jeŭrasajuzam».
«Heta nie maje pad saboj nijakich padstaŭ. Kali hladzieć na dynamiku adnosinaŭ, to bačna, što za apošnija dva hady adbyłosia šmat źmien u paraŭnańni z papiarednimi 12 hadami sankcyj i izalacyi», — zajaviŭ jon.
Kiraŭnik Administracyi prezidenta padkreśliŭ, što kurs biełaruskaha kiraŭnictva na reformy i palapšeńnie adnosinaŭ ź ES niaźmienny. U toj ža čas, praciahnuŭ jon, Biełaruś maje prava čakać ad Jeŭrasajuza bolš kankretnych krokaŭ, u pryvatnaści admieny sankcyj, libieralizacyi ekanamičnych adnosinaŭ i spraščeńnia vizavych pracedur.
U svaju čarhu kiraŭnik viedamstva fiederalnaha kanclera Hiermanii fiederalny ministr pa asablivych daručeńniach Ronald Pofała zajaviŭ, što Jeŭrasajuz hatovy da šyrokamaštabnych adnosinaŭ ź Biełaruśsiu. «My zacikaŭleny ŭ pazityŭnym raźvićci suvierennaj Biełarusi, i pahłyblenaje supracoŭnictva ź ES pajšło b hetamu na karyść, — skazaŭ Pofała. — My pačali supracoŭnictva ź Biełaruśsiu na vysokim palityčnym uzroŭni i chočam jaho praciahnuć».
U toj ža čas, adznačyŭ fiederalny ministr pa asablivych daručeńniach,
prypynieńnie sankcyj u dačynieńni da biełaruskich čynoŭnikaŭ źjaŭlajecca «veksalem na budučyniu, jaki jašče nie byŭ apłačany».
Jon źviarnuŭ uvahu na niavyrašanaje pytańnie z admienaj śmiarotnaj kary ŭ Biełarusi, što tryvožyć Jeŭrasajuz.
Havoračy ab vybarach, jakija majuć adbycca ŭ Biełarusi, Pofała padkreśliŭ, što jany «stanuć probnym kamieniem, pa jakim budzie vymiaracca vykanańnie Biełaruśsiu čakańniaŭ ES».
Jon taksama zhadaŭ ab hibieli žurnalista Aleha Biabienina i vykazaŭ nadzieju, što zaprašeńnie biełaruskimi ŭładami ekśpiertaŭ ABSIE pasadziejničaje raskryćciu spravy.
***
XIII Minski forum «Biełaruś i ES paśla kryzisu: vykliki i šansy ŭ śfierach palityki, ekanomiki i hramadstva» prachodzić 3–4 listapada. Hetaje mierapryjemstva štohod arhanizujecca
