Matč čaćviortaha tura hrupavoha etapu Lihi Jeŭropy z «Šeryfam» (Ciraspal), jaki projdzie 4 listapada na staličnym stadyjonie «Dynama» (pačatak u 20.00), barysaŭski BATE budzie hulać na pieramohu.
Pra heta zajaviŭ hałoŭny trenier biełaruskaha kłuba Viktar Hančarenka 3 listapada na
«My, jak i zaŭsiody, rychtujemsia da hetaha matča z dobrym nastrojem, — skazaŭ jon. — Dla nas udzieł u Lizie Jeŭropy UEFA — sama pa sabie dobraja matyvacyja.
A z ulikam taho, što jość šanc daterminova vyjści ŭ nastupny raŭnd, to matyvacyja ŭ nas dvajnaja».
Hančarenka nie staŭ raskryvać taktyki BATE na hulniu. «My ŭmiem hulać jak druhim numaram, hetak i z pazicyi siły», — padkreśliŭ jon.
Abaronca BATE Arciom Radźkoŭ zaznačyŭ, što važnaść pajadynku nie ciśnie na hulcoŭ kamandy. «Naadvarot, prysutničaje dadatkovy stymuł dabicca taho, da čaho imknulisia ŭvieś siezon», — skazaŭ jon.
Stanovišča kamand u hrupie Je: BATE — 7 punktaŭ (roźnica miačoŭ 7–3), «Dynama» — 4 (4–5), AZ — 3 (4–7), «Šeryf» — 3 (3–3).
0
0
0
0
0
0
