U Minsk jedzie Roxette 1

12 sakavika 2011 h. u Minsku, na Minsk-Arenie, pavinien vystupić znakamity šviedski hurt Roxette.

Prynamsi infarmacyja pra heta raźmieščana na aficyjnym sajcie dueta.

Kancert u Minsku stanie častkaj suśvietnaha turne, jakoje startuje 1 sakavika ŭ Kazani (Rasija), paviedamlajecca na sajcie.

Duet u pieršaj dekadzie sakavika vystupić u Samary, Jekaciarynburhu, Novasibirsku.

Arhanizacyjaj kancertaŭ va Uschodniaj Jeŭropie zajmajucca hrupa kampanij SAV Entertainment i Ruski Šou-Centr.

Chto budzie zajmacca arhanizacyjaj kancerta ź biełaruskaha boku, pakul nie viadoma. U kampanii «Korporacija razvlečienij» (KR), jakaja zajmałasia arhanizacyjaj kancerta Džo Kokiera i viazuć u Minsk A-ha i Toni Brekstan, zaznačyli, što pra vystup Roxette pakul ničoha nie viadoma.

Zatoje KR ładzić u stalicy Biełarusi kancert Deep Purple (27 sakavika).

U Allstars, jakaja ładziła kancert Stynha, zajavili, što pakul kampanija nie zajmajecca arhanizacyjaj kancertaŭ zamiežnych zorak.

***

Pierad kancertam u Minsku,10 sakavika Roxette vystupić u Kijevie, a praz dva dni paśla kancerta ŭ Biełarusi, 14 sakavika, vystupić u Vilni, 16 sakavika — u Ryzie, 18 sakavika — u Talinie. Na hetym jeŭrapiejskaje turne skončycca, i 1 krasavika hurt čakajuć u Miechika.

Pop-duet Roxette viarnuŭsia da kancertnaj dziejnaści ŭ vieraśni 2010 h. paśla vaśmihadovaha pierapynku i ŭžo vystupiŭ u Šviecyi, Danii, Narviehii i Rasii.

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH