U vyniku ziemlatrusu ŭ Sierbii, jaki adbyŭsia ŭ noč na sieradu 3 listapada, zahinuli prynamsi dva čałavieki. Epicentr ziemlatrusu mahnitudaj 5,6 znachodziŭsia za 125 kiłamietraŭ ad sierbskaj stalicy — Białhrada.
Cieły zahinułych byli znojdzienyja pad zavałami doma ŭ navakolli najbližejšaha da epicentru horada Kraljeva. Paciarpieli, pa dadzienych Associated Press, nie mienš za 50 čałaviek, u asnoŭnym žychary Kraljeva.
U horadzie paškodžanyja budynki, nazirajucca pieraboi z elektrazabiaśpiečańniem, telefonnaj suviaźziu i padačaj vady. U pryvatnaści, paciarpieŭ budynak balnicy ŭ Kraljevie.
Hipacentr ziemlatrusu znachodziŭsia na hłybini 10 kiłamietraŭ. Za asnoŭnym padziemnym šturškom rušyli ŭśled čatyry mienš mahutnych afteršokaŭ. Raniej Hieałahičnaja słužba ZŠA acaniła mahnitudu ziemlatrusu ŭ 5,3, adnak Sierbski siejsmałahičny instytut padvysiŭ acenku da 5,6.
0
0
0
0
0
0
