Siemji ž paciarpiełych u pinckaj avaryi atrymajuć pa 50 miljonaŭ. Takoje rašeńnie pryniali na saviecie dyrektaraŭ «Pinskdrevu» 1 listapada.
U pieršy dzień avaryi była stvoranaja kamisija pa akazańni pieršasnaj dapamohi siemjam paciarpiełych. Siemji zahinułych užo atrymali pa 10 miljonaŭ, a paciarpiełych — pa try. Hetyja vypłaty zrabili ŭ pieršyja dni paśla trahiedyi. Srodki atrymali i ŭsie tyja, chto pamier u reanimacyi. Taksama niekatorym ź siemjaŭ zahinułych dadatkova vypłacili pa try miljony.
Ciaham dvuch tydniaŭ siemji byłych rabotnikaŭ pradpryjemstva atrymajuć astatnija vypłaty. U hetym zapeŭniŭ kiraŭnik słužby hramadskich suviaziaŭ «Pinskdrevu» Dźmitry Kirykovič.
«Na saviecie dyrektaraŭ było pryniataje rašeńnie, što vypłaty siemjam zahinułych składuć pa 100 miljonaŭ rubloŭ, a siemjam paciarpiełych u avaryi — pa 50 miljonaŭ rubloŭ. Naša kiraŭnictva pryjazdžaje na kožnyja pachavańni i bačyć vočy i hora kožnaj siamji».
Siarod inšaha, «Pinskdreŭ» zabiaśpiečvaje pachavańni zahinułych i ŭstalavańnie pomnikaŭ na mohiłkach, adznačyŭ sp. Kirykovič.