Najčaściej na čyhuncy hinuć ad niaŭvažlivaści

Z pačatku hoda na Biełaruskaj čyhuncy adbyłosia 192 niaščasnyja vypadki z udziełam pasažyraŭ i piešachodaŭ. U vyniku zahinuli 120 čałaviek i 72 atrymali traŭmy roznaj stupieni ciažkaści.

Pra heta paviedamiŭ pres-sakratar upraŭleńnia ŭnutranych spraŭ na transparcie MUS Biełarusi Alaksandr Marčanka.

Pavodle jaho słoŭ, asnoŭnymi pryčynami takich zdareńniaŭ źjaŭlajucca pierachod puciej u zabaronienych miescach, niaŭvažlivaść, ihnaravańnie pravił pavodzin na čyhuncy, śpieška, ałkaholnaje apjanieńnie.

Tolki za minułyja sutki na čyhuncy hruzavymi ciahnikami byli śmiarotna traŭmavany try čałavieki. 70-hadovaja žycharka Tałačynskaha rajona Viciebskaj vobłaści zahinuła kala stancyi Kochanava pad Oršaj, 44-hadovy žychar Barysava (Minskaja vobłaść) — u rajcentry, 65-hadovy babrujčanin — na stancyi Biarezina (Babrujsk).

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH